कोल्हापूर : खासदार हरवले आहेत, असे होर्डिंग मतदारसंघात झळकल्याने काही दिवसांपूर्वी चर्चेत आलेले हातकणंगले लोकसभा मतदारसंघाचे खासदार धैर्यशील माने हे आता पुन्हा त्यांच्या विकासकामाची माहिती देणाऱ्या होर्डिंगमुळे चर्चेत आले आहेत. खासदार धैर्यशील माने यांनी गेल्या ५ वर्षात आपण केलेल्या विकासकामांची आणि मतदारसंघात खेचून आणलेला निधी या संदर्भात माहिती देणारे होर्डिंग मतदारसंघात लावले आहेत. मात्र या होर्डिंगवर देण्यात आलेला क्यूआर कोड फेक असल्याची धक्कादायक बाब समोर आली आहे.
येथील काही युवकांनी हा क्यूआर कोड मोबाईलवर स्कॅन केले असता, विकासकामांच्या माहिती ऐवजी वेगळीच बिटकॉइन संदर्भातील वेबसाईट उघडत असल्याचे तरुणांनी म्हटले आहे. याचे प्रात्यक्षिक केलेला व्हिडिओ सध्या सोशल मीडियामध्ये व्हायरल होत असून यामुळे या व्हिडिओवरून खासदार धैर्यशील माने आता पुन्हा ट्रोल होऊ लागले आहेत.
मतदारसंघात झळकले पोस्टर
२०२४ ची लोकसभा निवडणूक अवघ्या काही दिवसांवर येऊन ठेपली आहे. यामुळे इच्छुक आणि विद्यमान खासदार यांच्याकडून आपापल्या मतदारसंघात आपण केलेल्या कामांची पोस्टर झळकण्यास सुरुवात झाली आहे. पाच वर्ष मतदारसंघात न फिरकलेले नेते देखील आता मतदारसंघात फिरू लागले असून त्यांचे पोस्टर ठिकठिकाणी दिसू लागले आहेत.
शिरुरमधून भाजप आमदाराला तिकीट द्या, अजितदादा गटातील इच्छुकाची जबरी खेळी, आढळरावविरोध सुरुच
काही महिन्यांपूर्वी हातकणंगले लोकसभा मतदारसंघाचे विद्यमान खासदार धैर्यशील माने यांच्या विरोधात मतदारांमध्ये प्रचंड रोष असल्याचे दिसून आले होते. गेल्या पाच वर्षात खासदार आम्हाला दिसलेच नाही म्हणत खासदार हरवले आहेत अशा प्रकारचे बॅनर मतदारसंघात लावण्यात आले होते. त्यामुळे खासदार धैर्यशील माने हे चर्चेत आले होते. मात्र आता लोकसभा निवडणूक आल्याने धैर्यशील माने यांनी आपल्या मतदारसंघात गेल्या पाच वर्षात आपण केलेल्या विकासकामांची माहिती देण्यासाठी पोस्टर लावले आहेत. मतदार संघासाठी जवळपास ८ हजार २०० कोटी रुपयांचा निधी आपण आणले असल्याचे या फलकावर उल्लेख करण्यात आला आहे.
पोस्टरवरील क्यूआर कोड फेक
केंद्र आणि राज्य सरकारच्या विविध योजनेमधून हा निधी आणल्याबद्दल त्यांचा आभार असे म्हणत खासदारांनी दिलेल्या एकूण निधी संदर्भात माहिती जाणून घेण्यासाठी Scan Q.R. CODE असे लिहित खाली क्यूआर कोड देखील लावण्यात आला आहे. मात्र हाच क्यूआर कोड आता चर्चेचा विषय ठरला आहे. येथील काही युवकांनी आपल्या मोबाईलवर हा किंवा कोड स्कॅन केल्यानंतर बिटकॉइनसह अनेक शेअर मार्केटच्या वेबसाईट ओपन होत आहेत. या संदर्भातील व्हिडिओ सोशल मीडियामध्ये व्हायरल होत असून यामध्ये हा क्यूआर कोड फेक अल्याचे युवकांनी म्हटले आहे.
Read Latest Maharashtra News Updates And Marathi News
राज्यात दिवसेंदिवस सायबर क्राईम मध्ये वाढ होत आहे. चुकीची वेबसाईट ओपन झाल्याने अनेकांची बँक अकाउंट रिकामी झाले आहेत. अशात खासदारांच्या बॅनरवर असा फेक क्यूआर कोड लावण्यात आल्याने धैर्यशील माने आता ट्रोल होऊ लागले आहेत.