पुणे : पुण्यातील राजीव गांधी प्राणी संग्रहालयाच्या विलगीकरण कक्षातून बिबट्या पसार झाला आहे. काल सोमवारी पहाटेच्या सुमारास गायब झालेल्या या बिबट्याचा शोध रात्री उशिरापर्यंत न लागल्याने खळबळ माजली. संग्रहालय बंद ठेवून बिबट्याचा शोध सुरू करण्यात आला आहे. या संग्रहालयात तीन मादी व एक नर बिबट्या आहे. हंपीहून आणणेला नर बिबट्या पिंजऱ्यातून पसार झाला आहे. नेहमीचे कर्मचारी काम करीत असताना सकाळी साडेनऊच्या सुमारास पिंजऱ्यात बिबट्या नसल्याचे त्यांच्या लक्षात आले. पिंजऱ्याच्या लोखंडी सळया वाकवून बिबट्या पसार झाला असावा, अशी शक्यता आहे.बिबट्या पसार झाल्याचे लक्षात आल्यानंतर संग्रहालय बंद करण्यात आले. विविध पथकांमार्फत बिबट्याचा शोध सुरू केला गेला; परंतु, रात्री उशिरापर्यंत बिबट्याचा तपास लागला नव्हता. संग्रहालयात असलेले अनेक प्राणी आणि जवळच असलेल्या दाट लोकवस्तीमुळे सुरक्षितेबाबत प्रश्नचिन्ह निर्माण झाले. ‘हा बिबट्या प्राणी संग्रहालयाच्या आवारातच आहे. अनाथालयाच्या परिसरातील पाण्याच्या टाकीजवळील झुडपांमध्ये तो लपला आहे. रात्री उशिरा तो आढळला असला, तरी त्याला रात्री बेशुद्ध करणे शक्य नाही. त्यामुळे तीन ठिकाणी पिंजरे लावून त्यात भक्ष्य ठेवण्यात आले आहे. त्यात तो सापडू शकेल,’ असे राजीव गांधी प्राणी संग्रहालयातील विलगीकरण कक्षाचे समन्वयक श्रीराम शिंदे यांनी सांगितले.
खासदार होऊन दुरावलो, दोन महिन्यात कायमचा शिर्डीत येतो, सुजय विखे लोकसभेतून माघार घेणार?
दरम्यान, २४ तास झाले तरी बिबट्या अद्याप सापडलेला नाही. पहाटे साडेपाच वाजता दिसला होता. पण अजूनही शोध कार्य सुरूच आहे. भारतातल्या सर्वत चांगले वन विभाग, पालिका, पोलीस, अग्निशमन विभाग तैनात आहे.