पुणे: शिरूर लोकसभेच्या जागेबाबत कोणत्याही पक्षाने दावा करू नये, ती जागा आमची आहे. आम्हीच तिथे निवडून येणार, असा इशारा अजित पवार यांना काही दिवसांपूर्वी आढळराव पाटलांनी दिला होता. यानंतर मात्र आज त्यांनी आपल्या वक्तव्यावर घुमजाव केला आहे. शिरूर लोकसभेबाबत मुख्यमंत्री, उपमुख्यमंत्री ठरवतील तो अंतिम निर्णय असेल, जर पक्षाने ठरवलं तर मी अजितदादांच्या उमेदवाराचं पण काम करेल, असं म्हणत आढळराव पाटील बॅक फूटवर आले आहेत.
शरद पवार आणि राहुल गांधी यांच्यात जागा वाटपासंदर्भात चर्चा, किती जागा जिंकू शकतो ते ही सांगितलं!
दरम्यान शिवाजीराव आढळराव पाटील यांनी आज म्हाडा पुणे अध्यक्ष पदाचा पदभार स्वीकारला आहे. याप्रसंगी त्यांनी पत्रकारांसोबत संवाद साधला. दरम्यान काही दिवसांपूर्वी आढळराव पाटलांनी शड्डू ठोकत शिरूर लोकसभेच्या जागेवर मीच उमेदवार म्हणून दावा केला होता. तर आज त्याच आढळराव पाटलांनी आपली भूमिका बदलली आहे.

शिरूर लोकसभेचे माजी खासदार शिवाजी आढळराव पाटील यांनी शिरूरच्या जागा वाटपाचा संबंधात राष्ट्रवादी आणि शिवसेनामध्ये रस्सीखेच असल्याचं चित्र समोर येत होतं. याबाबत आढळराव पाटील म्हणाले, जर मुख्यमंत्री आणि दोन्ही उपमुख्यमंत्रीने ठरवतील त्यासाठी आम्ही काम करू, असं म्हणत आढळराव पाटील बॅक फूट वर गेले आहेत. त्यासोबत उद्या अजित पवारांनी उमेदवार दिल्यास जर आम्हाला मुख्यमंत्र्यांनी सांगितलं तर त्याचं आम्हाला काम करावचं लागेल, असं ते म्हणाले आहेत.