कल्याण: घरात पूजा असून तुला चॉकलेट देतो, तू माझ्या घरात चल, असे बोलून शेजारी राहणाऱ्या ४२ वर्षीय नराधमाने १० वर्षीय अल्पवयीन मुलीवर अत्याचाराचा प्रयत्न केल्याची धक्कादायक घटना समोर आली आहे. शेजार धर्माला काळिमा फासणारी ही घटना कल्याण पूर्वेतील हाजीमलंग मार्गावरील एका सोसायटीत घडली आहे. याप्रकरणी मानपाडा पोलीस ठाण्यात ४२ वर्षीय आरोपीवर पोक्सोसह विविध कलमांनुसार गुन्हा दाखल करून पोलिसांनी त्याला अटक केली आहे.
धक्कादायक… चारित्र्यावर संशय घेत सैनिक पतीने डोक्यात हातोडा घालून पत्नीला संपवलं
मिळालेल्या माहितीनुसार, १० वर्षीय पीडित अल्पवीयन मुलगी कल्याण पूर्वेतील कल्याण-मलंग मार्गावरील एका सोसायटीत कुटुंबासह राहून नजीकच्या एका इंग्रजी शाळेत चौथ्या वर्गात शिक्षण घेत आहे. तर ४२ वर्षीय नराधम हा पीडिता राहत असेलल्या सोसायटीमधील एका इमारतीच्या पहिल्या मजल्यावर राहतो. त्यातच १५ फेब्रुवारी रोजी शाळेला सुट्टी असल्याने पीडित मुलगी आपल्या बहिणी आणि मैत्रिणीसोबत दुपारच्या सुमारास सोसायटीच्या आवारात खेळत होती. तर नराधम आरोपीच्या घरात त्याच दिवशी पूजा असल्याचे पीडितेच्या आईने दिलेल्या तक्रारीत नमूद केलं.१५ फेब्रुवारी रोजी दुपारच्या सुमारास पीडित मुलीला नराधम शेजाऱ्याने जवळ बोलवून तसेच तिच्यासोबत खेळणाऱ्या ४ ते ५ मैत्रिणींना घरात पूजा ठेवली, असून तुम्ही सर्वजण माझ्या घरी पूजेला या. तर पीडित मुलीला पूजेला ये तर तुला चॉकलेट देतो, असे आमिष नराधमाने दाखवून पीडित मुलीला तो त्याच्या घरात घेऊन गेला. घरात सर्व मुलींना जेवण दिल्यानंतर मुलं आपआपल्या घरी गेली असतानाच पीडित मुलीला नराधमाने बहाण्याने बेडरूममध्ये घेऊन गेला. त्यानंतर तिच्यावर अत्याचाराचा प्रयत्न करत पीडितेला मारून टाकण्याची धमकी दिली. या प्रकरणामुळे पीडित मुलगी भयभीत झाली होती.

दरम्यान, घडलेल्या प्रकारामुळे पीडित मुलगी रडत असल्याचे पाहून आईने तिच्याकडे अधिक चौकशी केली असता तिने घडलेला प्रकार आईला सांगताच तिला धक्काच बसला. या घटनेनंतर पीडित मुलीला घेऊन पीडितेच्या आईने मानपाडा पोलीस ठाणे गाठून ४२ वर्षीय नरधामावर भादंवि कलम ३५४, ५०६, सह पोस्को कलम ४, १२ नुसार १६ गुन्हा दाखल करण्यात आला. या गुन्ह्याच्या आधारे आरोपीला अटक केल्याचे पोलीस सूत्रांनी माहिती दिली. या गुन्ह्याचा अधिक तपास मानपाडा पोलीस पथक करीत आहेत.