पुणे: राख अंगावर पडल्याने तरुणावर पिटबूल कुत्रा सोडल्याप्रकरणी आंदेकर विरोधात गुन्हा दाखल करण्यात आला आहे. शेकोटी करीत असताना अंगावर राख पडल्याच्या कारणावरून एका तरुणाने दुसऱ्याच्या अंगावर पिटबुल जातीचे कुत्रे सोडून त्याला चावा घेण्यास सांगितले. या कुत्र्याने संबंधित तरुणाच्या हाताला आणि पार्श्वभागाला चावा घेऊन त्याला गंभीर जखमी केल्याची घटना पर्वती येथील लक्ष्मी नगर मधील शाहू वसाहतीमध्ये घडली. याप्रकरणी पर्वती पोलीस ठाण्यामध्ये संबंधित तरुणाविरोधात गुन्हा दाखल करण्यात आला आहे.
Baramati Crime: बारामतीच्या लॉजमध्ये महिलेला संपवलं, हत्येमागील कारण अखेर समोर, ‘त्या’ व्यक्तीनं केला घात
मिळालेल्या माहितीनुसार, आदित्य नितीन आंदेकर (२५) असे गुन्हा दाखल झालेल्याचे नाव आहे. याप्रकरणी तन्वीर रमजान सय्यद (१८) यांनी फिर्याद दिली आहे. पोलिसांनी दिलेल्या माहितीनुसार, तन्वीर सय्यद हे या घटनेत गंभीर जखमी झाले आहेत. तन्वीर आणि त्यांचे मित्र घराजवळच शेकोटी करत बसलेले होते. त्या ठिकाणी असलेल्या भिंतीवर राखेची टोपली ठेवण्यात आलेली होती. ही राखेची टोपली आरोपी आदित्य आंदेकरच्या अंगावर पडली. त्यामुळे चिडलेल्या आदित्यने याबाबत विचारणा करण्यास सुरुवात केली.

तुम्ही गरिबांच्या अन्नधान्यात पैसे खाता? विवेक कोल्हे भर बैठकीत तहसीलदारावर संतापले

ही टोपली तन्वीर यानेच टाकली, असा समज त्याने करून घेतला. त्याने तन्वीरला शिवीगाळ करून गचांडी पकडत हाताने मारहाण करण्यास सुरुवात केली. त्याचे पिटबुल जातीचे कुत्रे सोबत होते. या कुत्र्याला ‘सारा धर याला’असे म्हणत त्याच्या अंगावर सोडले. या कुत्र्याने फिर्यादीच्या हाताला आणि पार्श्वभागाला चावा घेत त्यांना गंभीर जखमी केले. त्यानंतर आरोपीने पोलीस चौकीमध्ये तक्रार देतोस काय? असे म्हणत बघून घेण्याची धमकी देऊन दमदाटी केली आहे.