प्रगणकांकडून सांगितले जाते होते. मात्र आता सुलभरित्या हे काम सुरू असल्याचे अधिकाऱ्यांनी सांगितले. आतापर्यंत दोन लाख घरांचे सर्वेक्षण पूर्ण झाले असून येत्या काळात अधिक वेगाने हे काम पूर्ण करण्याचे लक्ष्य पालिका प्रशासनाने ठेवल्याचे अधिकाऱ्यांनी नमूद केले.

मुंब्र्यात काही प्रमाणात अडचणी

मुंब्र्यात सुरू असलेल्या या सर्वेक्षणात काही प्रमाणात नागरिकांकडून अडथळा निर्माण केला जात आहे. प्रगणकांना माहिती देताना वाद घालणे, अरेरावीची भाषा करणे, त्यांना धमक्या देणे असेही प्रकार घडत असल्याचे अधिकाऱ्यांनी सांगितले.
माकड चावले, तर कुणाकडे उपचार घेता? मराठा सर्वेक्षणात गजब प्रश्नांची मालिका
पालिका आयुक्तांचे आवाहन

ठाणे पालिकेमार्फत नियुक्त केलेले पर्यवेक्षक व प्रगणकांना सर्वेक्षणाच्या कामकाजात सहकार्य करण्याचे आवाहन पालिका आयुक्त अभिजित बांगर यांनी केले आहे. पालिकेच्या माध्यमातून आयुक्त बांगर यांचे आवाहनपत्र विविध गृहसंकुलांना पाठवले जात असल्याने या सर्वेक्षणामध्ये सुसूत्रता येत आहे.

३१ जानेवारीचे आव्हान

येत्या तीन दिवसांत अर्थात ३१ जानेवारीपर्यंत सर्वेक्षण पूर्ण करण्याचे आव्हान पालिका कर्मचाऱ्यांसमोर आहे. गेले तीन दिवस जोडून सुट्ट्या असल्याने दैनंदिन कामकाजाचा ताण प्रशासनावर नव्हता, मात्र आता हे काम पूर्ण करताना पालिका कर्मचाऱ्यांची दुहेरी कसरत होणार आहे.