रावेर लोकसभा मतदारसंघात जळगाव जिल्ह्यामधील ५ आणि बुलढाणा जिल्ह्यामधील १ (मलकापूर) असे एकूण ६ विधानसभा मतदारसंघ समाविष्ट केले गेले आहेत. या मतदारसंघातून एकनाथ खडसे यांच्या सून रक्षा खडसे खासदार आहेत. तर एकनाथ खडसेंनी भाजप सोडत राष्ट्रवादीत प्रवेश केल्याने रक्षा खडसेंना उमेदवारी मिळण्याची शक्यता कमी आहे. त्यामुळे केतकी पाटील आणि उल्हास पाटील यांना भाजप पक्षात प्रवेश देऊन त्यांना उमेदवारी मिळण्याची शक्यता आहे.

दरम्यान, रावेर लोकसभा निवडणकीच्या उमेदवारीबाबत कुठलीही चर्चा झाली नूसन भाजपात प्रवेश केल्यानंतर त्याबाबत भाजपातील वरिष्ठ नेते निर्णय घेतील अशी माहिती डॉ. उल्हास पाटील यांनी दिली आहे. पंतप्रधान नरेंद्र मोदी यांच्या नेतृत्वाखाली देशात विकास व प्रगती सुरु आहे. त्यांच्या या नेतृत्वावर विश्वासन ठेवून भाजपामध्ये कन्या डॉ. केतकी पाटील यांच्यासह प्रवेश करण्याचा निर्णय घेतला आहे. बुधवारी (दि.२४) रोजी मुंबईत हा प्रवेश सोहळा होणार आहे, असे उल्हास पाटील यांनी सांगितले आहे.