अमरावती: अयोध्या येथील श्रीराम जन्मभूमी मंदिरात काही तासातच श्री रामललाची मूर्ती विराजमान होणार आहे. त्यासाठी देशभरात उत्साहाचे वातावरण आहे. राम जन्मभूमी आंदोलनात विदर्भाचे योगदान महत्त्वाचे मानले जाते. विशेष म्हणजे प्रभू श्री रामचंद्राचे विदर्भातील कौंडण्यपूर या गावासोबत खास असे नाते आहे. याची नोंद इतिहासकारांनी रामायणासह अनेक महत्त्वाच्या दस्तऐवजांमध्ये केली आहे.
विदर्भाची राजकुमारी इंदुमती अर्थात प्रभू श्रीरामचंद्रांची आजी ही कौडण्यपुरातील असल्याने अमरावती जिल्ह्यात राम मंदिर उद्घाटनाचा एक वेगळाच उत्साह बघायला मिळत आहे. रामायणातील प्रभू श्री रामचंद्र यांचे वडील राजा दशरथ यांची आई म्हणजे इंदुमती. इंदुमती या विदर्भातील राजा भोज यांच्या बहीण होत्या. इंदूमती यांचं लग्न करण्यासाठी स्वयंवराचे आयोजन करण्यात आले होते.
विदर्भाची राजकुमारी इंदुमती अर्थात प्रभू श्रीरामचंद्रांची आजी ही कौडण्यपुरातील असल्याने अमरावती जिल्ह्यात राम मंदिर उद्घाटनाचा एक वेगळाच उत्साह बघायला मिळत आहे. रामायणातील प्रभू श्री रामचंद्र यांचे वडील राजा दशरथ यांची आई म्हणजे इंदुमती. इंदुमती या विदर्भातील राजा भोज यांच्या बहीण होत्या. इंदूमती यांचं लग्न करण्यासाठी स्वयंवराचे आयोजन करण्यात आले होते.
इंदुमती या आपल्या हातात वरमाला घेऊन सभागृहात दाखल झाल्या. जिथे अनेक राज्यातील पराक्रमी सौंदर्यवान राजकुमार दाखल झाले होते. प्रत्येक राजकुमाराजवळ इंदुमती जात असताना इंदुमती यांची मैत्रीण सुनंदा या प्रत्येक वराचं वर्णन त्यांना सांगत होत्या. या प्रक्रियेदरम्यान इंदुमती यांनी ईश्वांकू वंशाचे राजकुमार अज यांना वरले आणि धुमधडाक्यात विवाह संपन्न झाला.
कालांतराने राजा रघु यांनी आपल्या परंपरागत रीतीरिवाजानुसार राज्याची धुरा अज राजाला दिली आणि त्यांनी वानप्रस्थाश्रम केले. दरम्यान, इंदुमती यांनी एका पुत्राला जन्म दिला त्यांचं नाव होतं राजा दशरथ अर्थात प्रभू श्रीराम यांचे वडील.