संतोष १० जानेवारी रोजी घरातून बाहेर गेला तो नंतर परतलाच नाही. तेव्हापासून तो बेपत्ता झाला होता. १३ जानेवारी रोजी कुमठा शेत शिवारात या मुलाचा मृतदेह कुजलेल्या अवस्थेत सापडला. आपल्या मुलाला पाहून त्याच्या आई बाबांच्या पायाखालची जमीनच सरकली. मोबाईल चोरल्याच्या संशयावरून या मुलाची हत्या करण्यात आली आहे. आरोपींनी क्रूरतेनं त्याला संपवलं आहे. त्याची ओळख कुणाला पटू नये, यासाठी आरोपींनी त्याचा चेहरा विद्रूप केला. इतकेच नाही तर त्यांनी मुलाचे केस देखील कापून टाकले. पोलिसांनी अज्ञात आरोपींविरोधात कलम ३०२, २०१ भादवी प्रमाणे १३ जानेवारी रोज शनिवारी गुन्हा दाखल केला आहे.