हा सांगडा उभारल्यानंतर या पुलावरून वाहतुकीस ये-जा करता येणार आहे. महापालिका प्रशासनाने हा सांगडा बनविण्यासाठी रेल्वेने नियुक्त केलेल्या सासवड येथील कंपनीस काम दिले होते. त्यासाठी आवश्यक सल्लागार कंपनीही रेल्वेने नियुक्त केलेली होती. प्रशासनाने त्यानुसार हा सांगडा सासवड येथील कंपनीकडून काही महिन्यांपूर्वीच तयार करण्यात आला. त्या सांगाड्याची रेल्वे प्रशासनाकडून तपासणी करून त्यास मान्यता देण्यास विलंब झाल्याने त्याच्या उभारणीस उशीर झाला होता. रेल्वे प्रशासनाने अखेरीस त्यास मान्यता दिल्याने सहा ते आठ जानेवारी दरम्यान हे काम करण्यात येणार आहे.

भारतीय वंशाच्या धनाढ्य कुटुंबासोबत अमेरिकेत भयंकर घडलं, बंगल्यातच सापडले मृतदेह
या उड्डाणपुलाच्या उभारणीसाठी आवश्यक असणारे मोठे ‘गर्डर’ रस्त्याच्या कडेला ठेवण्यात आले आहेत. हे गर्डर रेल्वे ट्रॅकच्या बाजूने उभे करावे लागणार आहेत. त्यासाठी आवश्यक परवानगी आणि संभाव्य रेल्वे ब्लॉक घेण्यात येणार आहे. हे प्राथमिक काम तीन दिवसांत पूर्ण करण्याचे महापालिका प्रशासनासमोर आव्हान आहे. त्यासाठी या परिसरातील वाहतूक पूर्णपणे बंद करण्यात येणार आहे.

दीड महिने प्रतिदिन दीड तासांचा ‘ब्लॉक’

घोरपडी येथील उड्डाणपुलासाठी आवश्यक लोखंडी सांगाड्यास परवानगी मिळाली असून, तो उभारण्यासाठी किमान दीड महिन्यांचा कालावधी लागणार आहे. या ठिकाणी काम करण्यासाठी प्रतिदिन दीड तासांचा ‘ब्लॉक’ घ्यावा लागणार आहे. या दीड तासातच काम करावे लागणार आहे. त्यामुळे अत्यंत चिवट असलेले हे काम वेळेत पूर्ण करून हा उड्डाणपूल सुरू करण्याचे महापालिका प्रशासनासमोर आव्हान आहे. गर्डरची उभारणी झाल्यानंतर पुढील कामाचे नियोजन करण्यात येणार आहे.

रेल्वे उड्डाणपुलाचा खर्च : ४८ कोटी रुपये

पुलाची लांबी : ४९३ मीटर

पुलाची रुंदी : मुंढवा रस्त्याकडे : १०.५ मीटर, बी. टी. कवडे रस्त्याकडे : ६.५ मीटर

पोहोच रस्त्यांची लांबी : एक किलोमीटर

सेवा रस्त्यांची लांबी : दीड किलोमीटर

तेलानंतर आता सौदी अरेबियाच्या हाती आणखी एक खजिना, सोन्याचे मोठे भांडार सापडले
Read Latest Maharashtra News And Marathi News