या घटनेनंतर कामगारांमध्ये प्रचंड रोष निर्माण झाला होता. जोपर्यंत मृत कामगारांचे मृतदेह मिळत नाही तोपर्यंत कंपनीच्या प्रवेशद्वाराहून हटणार नसल्याची भूमिका कामगारांकडून घेण्यात आली होती. स्थानिक पोलिसांनी परिस्थिती चिघळू नये म्हणून राज्य आपत्ती प्रतिसाद दलाला पाचारण करण्यात आले.
काचेची बाटली फोडून स्वत:च्या गळ्यावर वार, नंतर ट्रकखाली उडी घेत आयुष्य संपवलं; नेमकं काय घडलं?
संतप्त कामगारांवर वेळ पडल्यास बळाचा उपयोग करून प्रवेशद्वाराहून हटविण्यात येणार होतं. दंगल नियंत्रक पथक देखील घटनास्थळी पोहचले आहे. कामगारांद्वारे प्रवेशद्वारावर घोषणाबाजी सुरू होती. पोलिसांकडून सौम्य लाठीचार्ज करण्यात आला आहे.

स्थानिकांनी या दुर्घटनेत नेमका किती जणांचा मृत्यू झाल्याचं माहिती नसल्याचं म्हटलं. स्थानिक लोकांना इथं कामावर घेतलं जात नाही, असं देखील सांगण्यात आलं. घटनास्थळापासून तिनशे मीटर अंतरावरुन पाहणी केली जात असल्याचं स्थानिकांनी म्हटलं. या कंपनीत हजेरीपटावर ज्यांची नावं आढळली त्यांना मृत जाहीर करण्यात आल्याचं स्थानिकांनी म्हटलं.

दरम्यान, मुख्यमंत्री एकनाथ शिंदे यांनी नागपूरमधील या दुर्घटनेत ज्यांचा मृत्यू झाला त्यांच्या नातेवाईकांना ५ लाख रुपयांची मदत देणार असल्याची घोषणा केली.
नागपूर हादरलं! स्फोटकं बनवणाऱ्या कंपनीत मोठा स्फोट; ९ जणांचा मृत्यू

मृतांची नावं:

१)युवराज किशनजी चारोडे
२) ओमेश्वर किशलाल मच्छिर्के
३) मिता प्रमोद ऊईके
४) आरती निलकांता सहारे
५) स्वेताली दामोधर मारबते
६) पुष्पा श्रीरामजी मानपुरे
७) भाग्यश्री सुधाकर लोणारे
८) रुमिता विलास ऊईके
९) मौसम राजकुमार पटले
आई मुकी, वडील अपंग, लेकीनं कुटुंबाचा गाडा हाकला; नागपुरातील स्फोटानं परिवाराचा आधार हरपलाRead Latest Maharashtra News And Marathi News