नागपूर : नागपुरातील बाजारगाव येथील सोलर एक्सप्लोझिव्ह कंपनीच्या कारखान्यात आज रविवारी सकाळी भीषण स्फोट झाला. ९ जणांचा मृत्यू झाल्याची प्राथमिक माहिती समोर आली आहे. मृतांचा आकडा वाढण्याची शक्यता आहे. राज्याचे उपमुख्यमंत्री देवेंद्र फडणवीस यांनी या घटनेवर शोक व्यक्त केला आहे. तसेच मुख्यमंत्री एकनाथ शिंदे यांच्याकडून मृतांच्या कुटुंबीयांना ५ लाख रुपयांची सरकारी मदत जाहीर केली आहे.
उपमुख्यमंत्री देवेंद्र फडणवीस यांनी ट्विट (एक्स) केलं की, “नागपुरातील सोलर इंडस्ट्रीजमध्ये झालेल्या स्फोटात ६ महिलांसह ९ जणांचा मृत्यू होणे अत्यंत दुर्दैवी आहे. मी मृतांना श्रद्धांजली अर्पण करतो. या दुःखद प्रसंगी राज्य सरकार त्यांच्या कुटुंबासोबत खंबीरपणे उभे आहे. ही एक कंपनी आहे जी संरक्षण दलांसाठी ड्रोन आणि स्फोटके बनवते. तसेच “नागपूरचे जिल्हाधिकारी आणि पोलिस अधीक्षक सतत संपर्कात असून आयजी, एसपी, जिल्हाधिकारी स्वतः घटनास्थळी आहेत. या घटनेत मृत्युमुखी पडलेल्यांच्या वारसांना राज्य सरकार ५ लाख रुपयांची मदत देणार आहे. त्याला मुख्यमंत्री एकनाथराव शिंदे यांनी मान्यता दिली आहे”.
उपमुख्यमंत्री देवेंद्र फडणवीस यांनी ट्विट (एक्स) केलं की, “नागपुरातील सोलर इंडस्ट्रीजमध्ये झालेल्या स्फोटात ६ महिलांसह ९ जणांचा मृत्यू होणे अत्यंत दुर्दैवी आहे. मी मृतांना श्रद्धांजली अर्पण करतो. या दुःखद प्रसंगी राज्य सरकार त्यांच्या कुटुंबासोबत खंबीरपणे उभे आहे. ही एक कंपनी आहे जी संरक्षण दलांसाठी ड्रोन आणि स्फोटके बनवते. तसेच “नागपूरचे जिल्हाधिकारी आणि पोलिस अधीक्षक सतत संपर्कात असून आयजी, एसपी, जिल्हाधिकारी स्वतः घटनास्थळी आहेत. या घटनेत मृत्युमुखी पडलेल्यांच्या वारसांना राज्य सरकार ५ लाख रुपयांची मदत देणार आहे. त्याला मुख्यमंत्री एकनाथराव शिंदे यांनी मान्यता दिली आहे”.
सोलार कंपनीचे वरिष्ठ महाव्यवस्थापक आशिष श्रीवास्तव यांनी सांगितलं की, ”शिवणकाम करत असताना सकाळी ९ वाजण्याच्या सुमारास ही दुर्घटना घडली. एकूण ९ जणांचा मृत्यू झाला आहे. आता इमारतीत कोणीही नाही. सध्या पोलिसांच्या मार्गदर्शनाखाली कंपनीचे व्यवस्थापन कर्मचारीच हजर आहेत”, असं आशिष श्रीवास्तव यांनी सांगितलं आहे.
अपघातांबाबत स्थानिक नागरिकांमध्ये तीव्र संताप
सोलार कंपन्यांमधील अपघातांबाबत स्थानिक नागरिकांमध्ये तीव्र संताप आहे. कंपनीने कर्मचाऱ्यांवर टाकलेल्या दबावामुळे ही दुर्घटना घडल्याचे लोकांचं म्हणणं आहे. असे अपघात अनेकदा घडले असून अनेकांना कर्मचाऱ्यांना आपला जीव गमवावा लागल्याचे स्थानिक नागरिकांचं म्हणणं आहे. येथील स्थानिक लोकांना कंपनी कामावर घेत नसल्याचे आरोपही नागरिकांनी केले आहेत. कंपनी इतर राज्यातील लोकांना बोलवते आणि त्यांना १० हजार रुपये पगारावर तास न तास काम करायला लावते. त्यामुळे क्षमता नसतानाही काम करावे लागते आणि असे अपघात होतात. तसेच स्थानिक लोकांनी सांगितलं की त्यांच्या गावातील काही लोक येथे काम करतात. ज्याबद्दल त्यांना अद्याप माहिती मिळालेली नाही.
नागपूर हादरलं! स्फोटकं बनवणाऱ्या कंपनीत मोठा स्फोट; ९ जणांचा मृत्यू