BMC News: सध्या सभागृह नेते, विरोधी पक्षनेते आणि उपमहापौरांकडे स्कॉरपिओ गाड्या असून त्यांच्याकडून तब्बल २५ लाखांच्या इनोव्हा क्रिस्टा गाड्यांची मागणी करण्यात आली आहे.
महापौरांसाठी ३० लाखांची गाडी
महापालिकेत निवडणुकीनंतर नगरसेवक, कार्यकर्ते आणि नागरिकांची वर्दळ वाढली आहे. विविध समित्यांच्या अध्यक्षांची नियुक्ती झाल्यानंतर महापौर, उपमहापौर आणि इतर पदाधिकाऱ्यांसाठी वाहने उपलब्ध करून देण्यात आली. महापौर रितू तावडे यांच्या सेवेसाठी सुमारे ३० ते ३५ लाख रुपयांची इनोव्हा हायक्रॉस हायब्रीड गाडी देण्यात आली आहे. उपमहापौर, सभागृह नेते, विरोधी पक्षनेते तसेच विविध समिती अध्यक्षांसाठी स्कॉर्पिओ एन वाहने देण्यात आली आहेत. मात्र, स्कॉर्पिओ एन वाहन प्रवासासाठी सोयीचे नसल्याची तक्रार सभागृह नेते गणेश खणकर यांनी केली आहे. महापालिका मुख्यालय ते घर, तसेच पाहणी दौऱ्यांदरम्यान या वाहनातून प्रवास करताना धक्के बसतात. या वाहनाची उंची अधिक असल्याने पाठीचा त्रास वाढतो, असे कारण देत इनोव्हा क्रिस्टा गाड्या देण्याची मागणी त्यांनी महापालिका प्रशासनाकडे केली आहे.
Mumbai Local: मुंबई लोकल प्रवाशांना दिलासा मिळणार! ७ स्थानकांवरील २० फलाटांची उंची वाढवणार; अपघातांचा धोका कमी होणार
इनोव्हा क्रिस्टा गाड्यांची मागणी
सभागृह नेते, उपमहापौर, स्थायी समिती अध्यक्ष, सुधार समिती अध्यक्ष आणि शिक्षण समिती अध्यक्षांसाठीही इनोव्हा क्रिस्टा गाड्या देण्याची मागणी करण्यात आली आहे. विरोधी पक्षनेत्या किशोरी पेडणेकर यांच्यासाठीही अशाच प्रकारची गाडी उपलब्ध करून देण्याची मागणी करण्यात आली आहे. एका इनोव्हा क्रिस्टा गाडीची किंमत सुमारे २५ लाख रुपये असल्याचे सांगितले जाते.
नव्या इनोव्हा क्रिस्टा गाड्या मंजूर झाल्यास सध्या या पदाधिकाऱ्यांच्या सेवेत असलेल्या स्कॉर्पिओ गाड्या वॉर्डांच्या सहायक आयुक्तांना देण्यात येणार आहेत. सहायक आयुक्तांकडील जुन्या स्कॉर्पिओ गाड्या कार्यकारी अभियंत्यांना देण्याची योजना आहे.
ST Bus: एसटी प्रवासात सवलतीसाठी NCMC सक्तीचे; आधी टोकन, मग कार्डसाठी रांगा, महिला-ज्येष्ठ नागरिकांची पिळवणूक
“माझ्यासह उपमहापौर आणि समिती अध्यक्षांना अनेक बैठका, भेटी आणि पाहणी दौरे करावे लागतात. काही पदाधिकारी लांब राहतात. सध्याच्या स्कॉर्पिओ वाहनातून प्रवास करताना शारीरिक त्रास होतो. त्यामुळे इनोव्हा गाड्यांची मागणी केली आहे. विरोधी पक्षनेत्यांनाही अशीच गाडी मिळावी, अशी मागणी केली आहे,” अशी माहिती सभागृह नेते गणेश खणकर यांनी दिली आहे.
लेखकाबद्दलसानिया कदमसानिया कदम या सध्या ‘मटा ऑनलाईन’मध्ये गेल्या सहा महिन्यांपासून कन्सल्टंट पदावर कार्यरत आहेत. २०२५ मध्ये बॅचलर्सचे शिक्षण पूर्ण करून त्यांनी नुकताच पत्रकारितेच्या क्षेत्रात प्रवेश केला आहे. लोकल बातम्या, लाइव्ह ब्लॉग कव्हरेज, गुन्हेगारी, आंतरराष्ट्रीय घडामोडी तसेच इन्फ्रास्ट्रक्चर व नागरी विकासाशी संबंधित बातम्यांमध्ये त्यांना विशेष रस आहे.
पत्रकारितेतील व्यावसायिक कामाची ही त्यांची पहिलीच वेळ असली, तरी त्यांच्या पत्रकारितेच्या प्रवासाची सुरुवात महाराष्ट्र टाइम्स प्रिंटमधून झाली. २०२४ मध्ये मुलुंड वाणिज्य महाविद्यालयातून बीएमएमचे शिक्षण घेत असताना प्राध्यापकांकडून त्यांची कॉलेज क्लब रिपोर्टर म्हणून नियुक्ती झाली आणि तेव्हाच ‘मटा’शी त्यांचा पहिला संबंध जोडला गेला.
यानंतर त्यांनी अनेक महिन्यांपर्यंत महाराष्ट्र टाइम्सच्या ‘मुंबई टाइम्स’ पुरवणीसाठी लेखन केले. कॉलेज विद्यार्थ्यांच्या दैनंदिन समस्या, सोशल मीडियावरील ट्रेंड्स तसेच एआयच्या वाढत्या प्रभावावर त्यांनी अनेक लेख लिहिले. सोशल मीडियावर गाजलेल्या ‘घिबली आर्ट’ ट्रेंडवर तसेच परीक्षेच्या काळात विद्यार्थ्यांच्या आयुष्यात वाढत्या एआयच्या वापराबाबत लिहिलेल्या लेखांचे विशेष कौतुक झाले. या काळात महाराष्ट्र टाइम्स प्रिंटच्या विविध कार्यक्रमांमध्ये सहभागी होत त्यांनी वृत्तांकनासाठीही हातभार लावला. २०२५ मधील ‘माय मराठी कला संगम’ तसेच महाराष्ट्र टाइम्सच्या ‘शोध युवा प्रतिमेचा’ या विशेष कार्यक्रमांचे त्यांनी वृत्तांकन केले. विद्यार्थ्यांशी आणि नव्या पिढीशी जोडून घेणाऱ्या, त्यांच्या दृष्टिकोनातून बातम्या मांडण्याचा त्यांचा नेहमीच प्रयत्न राहिला.
२०२५ मध्ये बीएमएमचे शिक्षण पूर्ण केल्यानंतर त्यांनी के.सी. महाविद्यालयातून एमए इन जर्नलिझमला प्रवेश घेतला आणि त्याचवेळी ‘मटा ऑनलाईन’मध्ये काम सुरू केले. येथे त्यांनी लोकल बातम्या, लाइव्ह ब्लॉग अपडेट्स, इन्फ्रास्ट्रक्चर व विकासकामे, तसेच सरकारी धोरणे यांवर विशेष प्राविण्य मिळवले.
लहानपणापासूनच मराठी आणि इंग्रजी भाषेत वाचन-लेखनाची आवड असल्याने इंग्रजी भाषेवर त्यांचे विशेष प्रभुत्व आहे. त्यामुळे इंग्रजीतील गुंतागुंतीच्या बातम्या मराठी वाचकांसाठी सोप्या, समजण्यासारख्या भाषेत मांडण्याचा त्यांचा सातत्यपूर्ण प्रयत्न असतो. डिग्रीपर्यंतचं शिक्षण इंग्रजी माध्यमातून केलं असून संपूर्ण महाविद्यालयात प्रथम क्रमांक पटकावला. शेवटच्या वर्षी, न्यूजरूम नावाच्या प्रोजेक्टसाठी एका वृत्तपत्राच्या संपादकांची मुलाखत घेणं आवश्यक होतं. त्यावेळी, मुंबई चौफेरचे संपादक श्री. प्रफुल्ल फडके यांची मुलाखत घेतली. या मुलाखती दरम्यान त्यांनी आपल्या 30 वर्षांच्या मराठी भाषेतील पत्रकारीतेच्या अनुभवाबद्दल सांगितलं. त्यावेळी मराठी माध्यमातून पत्रकारिता करण्याची आवड निर्माण झाली. नंतर महाराष्ट्र टाईम्स प्रिंटमधल्या अनुभवामुळे ही आवड आणखी वाढली.… आणखी वाचा