याची माहिती त्याच भागात राहणाऱ्या आनंदच्या नातेवाइकाने अंकुश याला दिली. त्यानंतर उशिरापर्यंत आनंदशी संपर्क न झाल्याने अंकुश एमआयडीसी सिडको पोलीस ठाण्यात पोहोचला. त्या वेळी जया महापुरे आणि त्याचा मुलगा तिथे होते. अंकुशने आनंदविषयी त्यांना विचारले असता त्यांना आनंदने मारहाण केली आणि तो मित्रांसोबत निघून गेला, असे त्यांनी सांगितले. जया महापुरे त्याच्या नातेवाईक असल्याने तिच्यावर विश्वास ठेवून अंकुश निघून गेले.

या प्रकरणी मारहाण करणाऱ्या जया महापुरे, तिचा मुलगा आणि अन्य तीन ते चार जणांच्या विरोधात गुन्हा दाखल करण्यात आला होता. खुनाची घटना समोर आल्यानंतर हे सर्व जण कारमधून पळून जात होते. कारसह नऊ जणांना ताब्यात घेण्यात आले आहे. या प्रकरणाचा तपास एमआयडीसी सिडको पोलीस ठाण्याचे पोलिस उपनिरीक्षक सचिन जाधव तपास करीत आहेत. या प्रकरणाचा तपास गुन्हे शाखेच्या पोलिसांनी सुरू केला. या प्रकरणात ताब्यात घेतलेल्या आरोपींना प्रथम वर्ग न्यायदंडाधिकारी यू. एम. वैद्य यांच्या कोर्टात शनिवारी (१६ डिसेंबर) हजर करण्यात आले. कोर्टात हजर केल्यानंतर सरकारी वकीलांनी मारेकऱ्यांना पोलिस कोठडी देण्याची मागणी केली. कोर्टाने या आरोपींना २१ डिसेंबरपर्यंत पोलीस कोठडी दिल्याची माहिती एमआयडीसी सिडको पोलिसांनी दिली.

पोलीस निरीक्षक संदीप गुरमे, एमआयडीसी सिडको पोलीस ठाण्याचे पोलिस निरीक्षक गौतम पातारे, सहायक पोलीस निरीक्षक विनायक शेळके, पोलीस उपनिरीक्षक विशाल बोडखे, आत्माराम घुगे, सहायक पोलीस उपनिरीक्षक सतीश जाधव आदींच्या पथकाने मुख्य आरोपी जया राजू महापुरे, जया हिचा मुलगा, अन्य दोन विधिसंघर्षित बालके (रा. दत्तनगर, चौधरी कॉलनी, चिकलठाणा) यांच्यासह दादासाहेब संजय मिसाळ, अमित गुप्ता, आर्यन राठोड (सर्व रा. कामगार कॉलनी, चिकलठाणा), अभिषेक भंवर (रा. चौधरी कॉलनी), रोहित गायकवाड (रा. रोटेगाव स्टेशन, वैजापूर) या नऊ जणांना रोटेगाव रेल्वे स्टेशन येथून ताब्यात घेण्यात आले