नेमकं प्रकरण काय?

भांडुप पश्चिम येथे राहणारे दीपक मोंडकर हे २०१९ मध्ये बेस्ट सेवेतून निवृत्त झाले आहेत. या फसवणुकीची सुरुवात २९ जानेवारी रोजी एका फोन कॉलने झाली. ‘बिनी शर्मा’ नावाच्या एका महिलेने मोंडकर यांना फोन केला आणि सांगितले की, त्यांच्या नावाने काढलेले एक सिम कार्ड बेकायदेशीर कृत्यांसाठी वापरले गेले आहे. इतकेच नाही तर यासंदर्भात कुलाबा पोलीस ठाण्यात तक्रार दाखल असल्याचेही तिने भासवले.त्यानंतर हा फोन ‘मनोज शिंदे’ नावाच्या व्यक्तीकडे सोपवण्यात आला, ज्याने स्वतःची ओळख मुंबई पोलीस अधिकारी म्हणून करून दिली. त्याने मोंडकर यांना मनी लाँड्रिंगच्या प्रकरणात गोवण्याची भीती घातली. तपासाच्या नावाखाली त्याने मोंडकर यांच्याकडून त्यांच्या कुटुंबाची माहिती, बँक खात्याचा तपशील आणि घरातील सोन्या-चांदीच्या दागिन्यांची सर्व माहिती काढून घेतली.

Pune Crime: पुण्यात टिपू पठाण टोळीवर पुन्हा मोक्का; खंडणी रॅकेटचा पर्दाफाश, फरार ‘पच्चीस’ गजाआड

‘डिजिटल अरेस्ट’ आणि फसवणूक

भामट्यांनी मोंडकर यांना इतके घाबरवले होते की, त्यांना घर सोडून कुठेही न जाण्याची ताकीद दिली होती. एका अर्थाने त्यांना घरातच ‘डिजिटल अटक’ करून ठेवण्यात आले होते. कायदेशीर कारवाईची भीती दाखवून सायबर भामट्यांनी त्यांना विविध खात्यांवर पैसे वर्ग करण्यास भाग पाडले. अशा प्रकारे टप्प्याटप्प्याने मोंडकर यांच्याकडून ३९.६० लाख रुपये उकळले गेले.

नंतर प्रकरण लक्षात आल्यानंतर मोंडकर यांनी पोलिसांकडे धाव घेतली. त्यानंतर ईस्ट सायबर पोलिसांनी तक्रारीच्या आधारे गुन्हा नोंदवला असून आरोपींचा शोध सुरू आहे.

LPG Gas shortage : ‘वि’चित्रा’ ताई, 25 दिवस आम्ही तुमच्या घरी जेवायला यायचं का?’ रोहिणी खडसेंचा चित्रा वाघ यांच्यावर घणाघात

पोलिसांचे आवाहन

सायबर पोलिसांनी नागरिकांना अशा प्रकारच्या फोन कॉल्सबाबत सावध राहण्याचे आवाहन केले आहे. कोणतीही पोलीस किंवा शासकीय यंत्रणा अशा प्रकारे फोनवरून बँक माहिती किंवा घरातील तपशील विचारत नाही, असेही स्पष्ट करण्यात आले आहे.