मुंबई: ऑनलाइन जेवण मागवणाऱ्या मुंबईतील एका व्यक्तीने अशी कमाल केली ज्याची चर्चा आता संपूर्ण देशभरात होत आहे. मुंबईत राहणाऱ्या या व्यक्तीने १०-२० नव्हे तर तब्बल ४२ लाखाहून अधिकचे ऑनलाइन जेवण ऑर्डर करून सर्वांना धक्का दिलाय. स्वत: स्विगीने ही गोष्ट हाऊ इंडिया स्विगी इन २०२३ या अहवालात सांगितली आहे.
प्रत्येक वर्षाच्या अखेरीस गेल्या १२ महिन्यात घडलेल्या खास गोष्टींची माहिती दिली जाते. स्विगीने गुरुवारी दिलेल्या माहितीनुसार मुंबईतील एका व्यक्तीने या वर्षभरात जेवणाच्या ऑर्डरवर ४२.३ लाख रुपये खर्च केले आहेत. ऑनलाईन फुड डिलिव्हरी करणाऱ्या या प्लॅटफॉर्मवर १० हजारहून अधिकच्या ऑर्डर चेन्नई, दिल्ली आणि हैदराबाद येथील व्यक्तींनी केल्या आहेत.
प्रत्येक वर्षाच्या अखेरीस गेल्या १२ महिन्यात घडलेल्या खास गोष्टींची माहिती दिली जाते. स्विगीने गुरुवारी दिलेल्या माहितीनुसार मुंबईतील एका व्यक्तीने या वर्षभरात जेवणाच्या ऑर्डरवर ४२.३ लाख रुपये खर्च केले आहेत. ऑनलाईन फुड डिलिव्हरी करणाऱ्या या प्लॅटफॉर्मवर १० हजारहून अधिकच्या ऑर्डर चेन्नई, दिल्ली आणि हैदराबाद येथील व्यक्तींनी केल्या आहेत.
व्हेज नव्हे तर चिकन बिर्याणी अव्वल स्थानी
या शिवाय स्विगीने दिलेल्या माहितीनुसार,या वर्षी देखील बिर्याणीची ऑर्डर सर्वाधिक वेळा करण्यात आली आहे. गेल्या आठ वर्षापासून हा पदार्थ अव्वल स्थानी आहे. स्विगीवर २०२३ मध्ये प्रत्येक सेंकदाला २.५ इतक्या बिर्यणीच्या ऑर्डर देतात. शाकाहारी बिर्याणी पेक्षा चिकन बिर्याणीची ऑर्डर येण्याचे प्रमाण ५.५ टक्के जास्त आहे. फक्त ऑर्डरच नाही तर बिर्याणीसाठी सर्वाधिक म्हणजे ४० लाख ३० हाजर ८२७ वेळा सर्च करण्यात आलाय. प्रत्येक सहा बिर्याणीच्या ऑर्डर मागे एक ऑर्डर हैदराबाद येथून करण्यात येते. याच शहरातील एका व्यक्तीने या वर्षभरात १ हजार ६३३ वेळा बिर्याणीची ऑर्डर दिली आहे. त्याने प्रत्येक दिवशी ४ पेक्षा अधिक वेळा बिर्याणीची ऑर्डर दिली होती.
इडलीवर ६ लाख खर्च
दुर्गा पूजेच्या दरम्यान ७७ लाख इतक्या गुलाब जामच्या ऑर्डर मिळाल्याचे स्विगीने म्हटले आहे. गरब्यासोबत नवरात्राच्या काळात ९ दिवस शाहाकारी ऑर्डरसोबत मसाला डोसासाठी सर्वाधिक ऑर्डर होती. हैदराबादच्या एका व्यक्तीने इडलीवर ६ लाख रुपये खर्च केले.
केक कॅपिटल
सर्वांच्या आवडीचा चॉकलेट केकसाठी सर्वाधिक ८५ लाख ऑर्डर बेंगळुरू शहरातून आल्या. म्हणून स्विगीने बेंगळुरूला केक कॅपिटल म्हटले आहे. कंपनीने म्हटले आहे की, व्हेलेंटाइन डे २०२३ दरम्यान भारताने प्रत्येक मिनिटाला २७१ केक ऑर्ड केले.
एका दिवसात ६८ ऑर्डर
स्विगी इंस्टामार्टवर जयपूरच्या एका व्यक्तीने एका दिवसात ६७ ऑर्डर दिल्या. सर्वात मोठी ऑर्डर ३१ हजार ७४८ रुपयांची होती. चेन्नईच्या या व्यक्तीने कॉफी, जूस, कुकीज, नाचोज आणि चिप्सचे स्टॉक करून ठेवले होते.
या वर्षी स्विगीच्या डिलिव्हरी पार्टनरने इलेक्ट्रिक वाहनांचा आणि सायकलचा वापर करून १६.६४२ कोटी हरित किलोमीटर अंतर पार केले. यामुळे पर्यावरण अनुकुल डिलिव्हरी झाली.
४५.५ किलोमीटर दूर पोहोचवली ऑर्डर
चेन्नईतील डिलिव्हरी पार्टनर वेंकटसेनने १० हाजर ३६० तर कोच्चीच्या सॅथिनीने ६ हजार २५३ इतक्या ऑर्डर डिलिव्हर केल्या. तर अन्य एका डिलिव्हरी पार्टनरने फास्ट फूड पोहोचवण्यासाठी ४५.५ किलो मीटर इतके अंतर पार केले.