अमरावती: दर्यापूर तालुक्यातील थिलोरी शेत शिवारात कापूस वेचण्यासाठी गेलेले मजूर शेतावरून खाजगी ट्रॅक्टरमध्ये बसून परतत असताना थिलोरी येथील वळणाजवळ ट्रॅक्टर अचानक पलटी झाला. या अपघातामध्ये एकूण ९ मजूर गंभीर जखमी झाले असून त्यांना दर्यापूर येथील उपजिल्हा रुग्णालयात दाखल करण्यात आले आहे. या ट्रॅक्टरमध्ये जवळपास ३५ मजूर बसलेले असल्याचे सांगण्यात येत आहे. ही घटना सायंकाळी ६ वाजताच्या दरम्यान घडली आहे.
मिळालेल्या माहितीनुसार, दर्यापूर तालुक्यातील थिलोरी शेत शिवारात कोरकू जमातीचे हे मजूर मध्यप्रदेशातील धुलाई या गावातून आलेले आहेत. दर्यापूर येथील लक्ष्मणराव खळबळकर यांच्या शेतामध्ये हे मजूर आज सकाळपासून कापूस वेचणी करण्यासाठी गेले होते. सायंकाळी सहा ते साडेसहाच्या दरम्यान शेतातून खाजगी ट्रॅक्टरने परतत असताना थिलोरी येथील वळणावर ट्रॅक्टरमध्ये क्षमतेपेक्षा जास्त लोक बसलेले असल्याने तोल जाऊन ट्रॅक्टर पलटी झाला. या ट्रॅक्टरच्या ट्रॉलीत बसलेले मजूर अक्षरशः एकमेकांच्या अंगावर पडले. या अपघातात जवळपास २० लोक जखमी झाले आहेत. त्यापैकी ९ जण गंभीर जखमी झालेले आहेत.
मिळालेल्या माहितीनुसार, दर्यापूर तालुक्यातील थिलोरी शेत शिवारात कोरकू जमातीचे हे मजूर मध्यप्रदेशातील धुलाई या गावातून आलेले आहेत. दर्यापूर येथील लक्ष्मणराव खळबळकर यांच्या शेतामध्ये हे मजूर आज सकाळपासून कापूस वेचणी करण्यासाठी गेले होते. सायंकाळी सहा ते साडेसहाच्या दरम्यान शेतातून खाजगी ट्रॅक्टरने परतत असताना थिलोरी येथील वळणावर ट्रॅक्टरमध्ये क्षमतेपेक्षा जास्त लोक बसलेले असल्याने तोल जाऊन ट्रॅक्टर पलटी झाला. या ट्रॅक्टरच्या ट्रॉलीत बसलेले मजूर अक्षरशः एकमेकांच्या अंगावर पडले. या अपघातात जवळपास २० लोक जखमी झाले आहेत. त्यापैकी ९ जण गंभीर जखमी झालेले आहेत.
या अपघातात मंगला कालू जवरका (३५), मुन्नीबाई गोपाल तांडेल (३२), मुन्नीबाई चंपालाल कासदे (३६), भुलाई बाई मोतीलाल जवळकर (३०) जयवंती बाबूलाल कासदे (१९) मनीषा छोटेलाल चौरेकर (१८) भागीरथी कालू गौतम (३२) भुलाबाई रामकिसन पाटील (५५) आलोकनाथ कासदेकर (३४) सर्व राहणार धुलाई, मध्य प्रदेश, अशी जखमींची नावे आहेत. विशेष म्हणजे अपघात झाल्यानंतर कोणतेही शासकीय वाहन तिथे पोहोचले नाही. त्यामुळे रस्त्यावरून अमरावती येथे जाणारे शेख रहमान यांनी आपल्या तीन चाकी वाहनात या जखमींना बसवून दर्यापूर उपजिल्हा रुग्णालयात दाखल केले आहे. यावेळी युवक काँग्रेसचे नितेश वानखडे, सागर देशमुख आदींनी शेख रहमान याने दाखवलेल्या माणुसकीबद्दल त्याचे कौतुक केले आहे.