जळगाव: जळगाव तालुक्यातील कुसुंबा येथील तरुणाने राहत्या घरी गळफास घेऊन आत्महत्या केल्याची घटना सोमवारी सकाळी ९ वाजेच्या सुमारास उघडकीस आली आहे. महेश छगन गोसावी (वय ३६, रा. नवीन कुसुंबा, जळगाव) असे मयत तरुणाचे नाव आहे. महेश याची आई कुटुंबाचं कल्याण व्हावं या उद्देशाने वडनगरी या गावात काही दिवसांपासून सुरू असलेल्या पंडित प्रदीप मिश्रा यांच्या महाशिवपुराण कथा श्रवणासाठी गेली होती. त्याचदरम्यान घरी ही दुर्दैवी घटना घडली.
महेश गोसावी हा आई, पत्नी, एक मुलगा, एक मुलगी, भाऊ यांच्यासह कुसुंबा गावात राहत होता. जळगावमधील सुभाषचंद्र बोस चौकामध्ये राज सिल्वर पॅलेस येथे एका सुवर्ण व्यापाराकडे तो काम करून कुटुंबाचा उदरनिर्वाह करत होता. सोमवारी सकाळी महेश याची आई वडनगरी या गावात काही दिवसांपासून सुरू असलेल्या पंडित प्रदीप मिश्रा यांच्या महाशिवपुराण कथा श्रवणासाठी गेली होती. यावेळी महेश याने छताला गळफास घेऊन आत्महत्या केली.
महेश गोसावी हा आई, पत्नी, एक मुलगा, एक मुलगी, भाऊ यांच्यासह कुसुंबा गावात राहत होता. जळगावमधील सुभाषचंद्र बोस चौकामध्ये राज सिल्वर पॅलेस येथे एका सुवर्ण व्यापाराकडे तो काम करून कुटुंबाचा उदरनिर्वाह करत होता. सोमवारी सकाळी महेश याची आई वडनगरी या गावात काही दिवसांपासून सुरू असलेल्या पंडित प्रदीप मिश्रा यांच्या महाशिवपुराण कथा श्रवणासाठी गेली होती. यावेळी महेश याने छताला गळफास घेऊन आत्महत्या केली.
हा प्रकार कुटुंबीयांना लक्षात येताच त्यांनी एकच आक्रोश केला. तातडीने महेश गोसावी याला कुटुंबीय व मित्रांनी शासकीय वैद्यकीय महाविद्यालय व रुग्णालयात आणले. तिथे त्याला वैद्यकीय अधिकारी डॉ. निरंजन देशमुख यांनी मयत घोषित केले. यावेळी जिल्हा रुग्णालयात कुटुंबीयांनी मोठा आक्रोश केला. दरम्यान, एमआयडीसी पोलिस स्टेशनला घटनेची माहिती मिळताच त्यांनी घटनास्थळी धाव घेतली. घटनेचा पंचनामा करून पुढील कार्यवाही पोलिसांनी सुरू केली आहे. मयत महेश याने आत्महत्या का केली त्याचे कारण समोर आलेले नाही. याप्रकरणी एमआयडीसी पोलिस स्टेशनला अकस्मात मृत्यूची नोंद करण्याचे काम सुरू होते.
Read Latest Maharashtra News And Marathi News