कोकण हादरलं; जगण्यासाठी पैसेच नसल्याने आई हतबल, दोन मुलींसह ट्रेन खाली झोकून आयुष्य संपवलं
स्वतःच्या नावाने श्रद्धांजली अर्पण करत सोशल मीडियावर पोस्ट

विकास कोळपे यांनी कारागृहाच्या मुख्य प्रवेशद्वारासमोर स्वतःच्या छातीत गोळ्या घालून घेतल्या. गोळ्या घालून घेण्याअगोदर विकास कोळपे या पोलिस कर्मचाऱ्याने फेसबुकवर पोस्ट केली. वरिष्ठ अधिकाऱ्यांवर गंभीर आरोप करत आत्महत्या करत असल्याची माहिती पोस्ट केली. स्वतःची जन्मदिनांक आणि मृत्यू दिनांक लिहिली. स्वतःलाच भावपूर्ण श्रद्धांजली अर्पण केली. भावनिक पोस्टमुळे सोलापुरात हळहळ व्यक्त केली जात आहे.

छातीत गोळ्या झाडून आत्महत्येचा प्रयत्न केला

विकास कोळपे कारागृहातील या पोलिस शिपायाने शनिवारी सायंकाळी स्वतःच्याच छातीत गोळ्या झाडून घेतल्या. ही बाब कारागृहातील वरिष्ठ अधिकाऱ्यांच्या लक्षात येताच विकास कोळपे यास शासकीय रुग्णालयात जखमी अवस्थेत दाखल केले. डॉक्टरांनी ताबडतोब विकास कोळपे यांना अतिदक्षता विभागात दाखल करून उपचार सुरू केले. काही वेळानंतर नातेवाईकांनी विकास यांना पुढील उपचारासाठी खाजगी रुग्णालयात दाखल केले. विकास कोळपे हे सांगली, पुणे, अहमदनगर येथे तैनात होते. ते जुलै २०२१ पासून सोलापूर जिल्हा कारागृहात तैनात होते.

दोन बायका, ९ मुलं अन् ९ गर्लफ्रेण्ड असलेला सोशल मीडिया स्टारला अटक, पण कारण काय?
Read Latest Maharashtra News And Marathi News