सत्ता येते-जाते, आपल्याला देश महत्त्वाचा, नवाब मलिक महायुतीत नको, फडणवीस यांचं अजित पवार यांना पत्र
एकंदरित नवाब मलिक यांनी अजित पवार यांच्या गटाला पाठिंबा दिलेला नाही पर्यायाने महायुतीला पाठिंबा देण्याविषयी कोणतीही अधिकृत भूमिका त्यांनी जाहीर केलेली नाही, असेच तटकरे यांनी या ट्विटमधून सुचवले आहे. महत्त्वाचं म्हणजे हेच ट्विट अजित पवार यांनी रिट्विट करून त्यांचंही हेच म्हणणं असल्याचं एकप्रकारे सांगितलं आहे.

मलिकांवर आरोप म्हणून महायुतीत नको, मग अजितदादांवरही आरोप, त्यांचा पाठिंबा घेताना तुमची नैतिकता कुठे गेली होती? : अंधारे
सुनील तटकरे काय म्हणाले?

आमदार नवाब मलिक हे आमचे अनेक वर्षांपासूनचे ज्येष्ठ सहकारी आहेत. राष्ट्रवादी काँग्रेस पार्टीत मधल्या कालावधीत घडलेल्या घडामोडींशी त्यांचा कुठलाही संबंध नाही. आजारपणाच्या मुद्द्यावर त्यांना जामीन मिळाल्यानंतर जुने सहकारी म्हणून त्यांच्या तब्येतीची विचारपूस करण्यासाठी आमची भेट झाली. आम्ही त्यांच्याशी कुठलीही राजकीय चर्चा केलेली नाही. आज विधानसभेत आल्यानंतर जुन्या सहकार्‍यांशी त्यांचा संवाद आणि भेट होणे स्वाभाविक आहे.