नागपूर : महाराष्ट्राच्या सीमावर्ती भागात तसेच मध्य प्रदेश आणि छत्तीसगडच्या सीमावर्ती भागातून काँग्रेसचे उमेदवार मोठ्या संख्येने विजयी झाले आहेत. त्यामुळे तेथे भाजपला नाकारण्यात आले आहे. यावरून महाराष्ट्रात काँग्रेसची लाट असल्याचे दिसून येते, त्याचे परिणाम पुढील निवडणुकीत दिसून येतील, असा दावा काँग्रेसचे प्रदेशाध्यक्ष नाना पटोले यांनी केला. २०१८ च्या विधानसभा निवडणुकीत छत्तीसगड, मध्य प्रदेश आणि राजस्थानमध्ये काँग्रेसला जास्त मते मिळाली आहेत. या निवडणुकीनंतर झालेल्या लोकसभा निवडणुकीत भाजपला आणखी फायदा झाला. आता नेमके उलटे होईल. या वर्षी होणाऱ्या लोकसभा निवडणुकीत काँग्रेसला फायदा होईल, पाच राज्यांतील विधानसभा निवडणुकीच्या निकालानंतर ते नागपुरात माध्यमांशी बोलत होते. निवडणुकीमुळे राहिलेल्या त्रुटी दूर करून लोकसभा निवडणुकीला सामोरे जाऊ, असे ते म्हणाले.
लोकसभा निवडणुकीच्या अनुषंगाने आमची तयारी सुरू झाली आहे. चार राज्यांतील निवडणुकांनंतर कुठे चुका झाल्या हे आम्ही पाहत आहोत, असे पटोले म्हणाले. ‘ इंडिया’ आघाडी बाबत कोणी काय बोलले याने फरक पडत नाही. काँग्रेस हा बार्गेनिंग न करणारा पक्ष आहे. काँग्रेस सर्वांना बरोबर घेऊन चालली आहे. सर्वांना सोबत घेऊन चालण्याची शिकवण पक्षाने दिली, असं ते म्हणाले.
लोकसभा निवडणुकीच्या अनुषंगाने आमची तयारी सुरू झाली आहे. चार राज्यांतील निवडणुकांनंतर कुठे चुका झाल्या हे आम्ही पाहत आहोत, असे पटोले म्हणाले. ‘ इंडिया’ आघाडी बाबत कोणी काय बोलले याने फरक पडत नाही. काँग्रेस हा बार्गेनिंग न करणारा पक्ष आहे. काँग्रेस सर्वांना बरोबर घेऊन चालली आहे. सर्वांना सोबत घेऊन चालण्याची शिकवण पक्षाने दिली, असं ते म्हणाले.
भाजप विभाजनाचे राजकारण करत आहे
भाजप शाहू, फुले, आंबेडकर यांच्या विचारांचा विपर्यास करून भाजप विभाजनाचे राजकारण करत आहे. आता भाजपचे सरकार येणार आणि वानखेडेवर शपथ घेणार असे कोणी स्वप्न रंगवत असेल तर हे महाराष्ट्र आहे. भाजप महाराष्ट्राचा अजूनही नीट विचार करत नाही. भाजपला महाराष्ट्र लुटायचा आहे. महाराष्ट्राचे सर्व उद्योग गुजरातला न्याय आहेत, महाराष्ट्राला गरीब करणं, शेतकऱ्यांना आत्महत्या करायला प्रवृत्त करणं, अशी प्रवृत्ती भाजपची आहे. ही जे काही स्वप्न रंगवत असेल त्यांच्या स्वप्नांचा चुराडा होईल. महाराष्ट्राच्या निवडणुकीचा निकाल शाहू, फुले, आंबेडकरांच्या विचारांशी निगडित असलेल्या पक्षांच्या बाजूने लागेल, असे पटोले म्हणाले. काँग्रेसचे विघटन होईल, असे दावे केले जात आहेत. आता ही चर्चा थांबवण्याची गरज असल्याचे ते म्हणाले.
Telangana Election Results 2023: तेलंगणा जिंकणाऱ्या काँग्रेसच्या ‘नाना’ तऱ्हा; राहुल गांधींच्या पटोले पॅटर्ननं अडचणी वाढल्या