नाशिक : महाराष्ट्रातील सामाजिक कार्यकर्ते डॉ. विश्वंभर चौधरी यांच्याकडन निर्भय बनो हे अभियान सुरु आहे. या अभियानाच्यावतीनं राज्यातील विविध शहरात सभांचं आयोजन करण्यात येत आहे. नाशिक जिल्ह्यातील सिन्नर तालुक्यातील सिन्नर सार्वजनिक वाचनालय सिन्नर यांच्याकडून आयोजित करण्यात आलेल्या सुवर्ण महोत्सवी ग्रंथालय सप्ताहामध्ये विश्वंभर चौधरींचं भाषण आयोजित करण्यात आलं होतं. या कार्यक्रमात भाजप, आरएसएस आणि बजरंग दलाच्या कार्यकर्त्यांनी व्यत्यय आणत मोडतोड, धक्काबुक्की केल्याचा आरोप विश्वंभर चौधरी यांनी केला आहे. यासंदर्भात फेसबुक पोस्ट लिहून विश्वंभर चौधरी यांनी सुखरुप असल्याचं म्हटलं आहे.
विश्वंभर चौधरी यांची फेसबुक पोस्ट
हेरंब कुलकर्णींकडून या घटनेचा धिक्कार
विश्वंभर चौधरी यांची फेसबुक पोस्ट
मी सुखरूप आहे. काळजी करू नका.
आज सिन्नरला व्याख्यान सुरू झाल्यानंतर काही मिनिटातच स्थानिक भाजपा अध्यक्ष, रा.स्व. संघाचे आणि बजरंग दलाचे कार्यकर्ते विनाकारण आक्रमक झाले आणि भाषण बंद करा, रामनवमीला डीजे का वाजवायचा नाही असे प्रश्न ओरडून विचारायला लागले. यापैकी कोणालाही मी ओळखत नाही. स्थानिक लोकांच्या म्हणण्यानुसार ते भाजप, रा.स्व. संघ आणि बजरंग दलाचे कार्यकर्ते होते.
मजल इतकी गेली की भाजपाच्या स्थानिक अध्यक्षानं माझ्यासमोरचा माईक अक्षरशः उपटून फेकून दिला. काही कार्यकर्त्यांनी व्यासपीठावर मोडतोड केली आणि एका कार्यकर्त्यानं धक्काबुक्की केली.
मी व्याख्यान रद्द करण्याचा निर्णय घेतला कारण सिन्नर मधली कायदा आणि सुव्यवस्था मला बिघडवायची नव्हती. एक जबाबदार नागरिक म्हणून तेच माझं कर्तव्य आहे. अन्यथा पुरोगामी चळवळीतील कार्यकर्तेही आक्रमक झाले असते.
अशा हल्ल्यांनी आम्ही घाबरणार नाही याची नोंद संबंधितांनी घ्यावी. आम्ही निर्भय आहोत, निर्भय राहू.
राज्याचे गृहमंत्री मा. देवेंद्रजी फडणवीस यांच्याशी फोनवर बोलून त्यांना या झुंडगिरीची माहिती दिली आहे.
खरंतर ही घटना लिहावी इतकीही मोठी नाही पण व्हाट्सअपवरून कळाल्यामुळे अनेकांचे फोन येत आहेत म्हणून खुशाली कळवत आहे.
हेरंब कुलकर्णींकडून या घटनेचा धिक्कार
हेरंब कुलकर्णी यांनी विश्वंभर चौधरी यांचे व्याख्यान आज सिन्नर येथे सुरू असताना स्टेजवर चढून गोंधळ घालणाऱ्या आणि धक्काबुक्की करणाऱ्या गुंड प्रवृत्तीचा निर्भय बनोच्या वतीने धिक्कार आहे, असं म्हटलं आहे. विरोधकांना बोलू ही न देणाऱ्या या गुंड प्रवृत्तीवर कायदेशीर कारवाई झालीच पाहिजे, अशी मागणी त्यांनी केली.
मध्य प्रदेशात भाजप विजयी पण ७ मंत्री पराभूत, गृहमंत्र्यांचा पराभव करत काँग्रेसचा ‘हा’ नेता ठरला ‘जायंट किलर’
मध्यंतरी माझ्यावर जीवघेणा हल्ला झाला होता,असे अनेक प्रकार महाराष्ट्रात घडत आहेत आणि आज हा घडलेला प्रकार… यातील समान सूत्र हे आहे की आपले कोणीही काहीही बिघडवणार नाही हा आत्मविश्वास जास्त गंभीर आहे. पोलिसांना आपले नेते सांगतील आणि काहीही होणार नाही हे वाटणे जास्त धोकादायक आहे. त्यामुळे कायद्याची भीतीच संपली आहे… निवडणुका जिंकूनही इतना डर क्यु लगता है …? असा सवाल हेरंब कुलकर्णी यांनी केला.
आळंदीला जाणाऱ्या पालखीत भरधाव कंटेनर घुसला, भीषण अपघातात चार वारकऱ्यांचा मृत्यू
Read Latest Maharashtra News And Marathi News