नाशिक पुणे सेमी हाय स्पीड रेल्वेवरून वातावरण पेटलेलं आहे. नाशिक पुणे महामार्गावर आमदार सत्यजित तांबे आणि खासदार राजाभाऊ वाजे यांच्या नेतृत्वात चक्काजाम आंदोलन सुरू असतानाच सत्यजीत तांबे यांना मंत्री गिरीश महाजन यांचा फोन आला. महाजनांनी तांबेंच्या मागण्या ऐकल्या आणि आश्वासनही दिलं. मात्र तरीही आंदोलक आक्रमक झाले होते. यानंतर वाढता गोंधळ पाहता पोलिसांनी सत्यजीत तांबेंना ताब्यात घेतलं. मात्र आंदोलक महिलांनी पोलिसांच्या गाडीसमोर येत रोखण्याचा प्रयत्न घेतला.