‘नोव्हेंबरपूर्वी चार केंद्रांमध्ये सर्व दिवस हवा प्रदूषित आणि इतर विभाग २९ दिवस प्रदूषित होते. हवा गुणवत्ता निर्देशांक काढण्यासाठी किमान तीन आणि कमाल आठ प्रदूषकांना प्रमाण मानले जाते. धुलिकण,सूक्ष्म धुलिकण आणि अतिसूक्ष्म धुलिकण, ओझोन, कार्बन मोनॉक्साइड, सल्फर डाय ऑक्साइड, नायट्रोजन डाय ऑक्साइड, अमोनिया प्रदूषकांचा एकत्रित निर्देशांक काढला जातो,’ अशी माहिती पर्यावरण अभ्यासक प्रा. सुरेश चोपणे यांनी दिली.
नागपूरकरांचा अख्खा नोव्हेंबर गेला प्रदूषणात; तीसही दिवस हवेची गुणवत्ता खालावलेलीच
रेव्हेन्यू कॉलनीमध्ये सर्वाधिक प्रदूषण

पुण्यात रेव्हेन्यू कॉलनी, शिवाजीनगरमध्ये सर्वाधिक प्रदूषण नोंदवले गेले. त्यापाठोपाठ म्हाडा कॉलनी, आळंदी, भोसरी, सावित्रीबाई फुले पुणे विद्यापीठ आणि कात्रजचा समावेश होता. या प्रदूषकांमध्ये अतिसूक्ष्म धुलिकणांचे (पीएम २.५) प्रमाण अधिक होते. हे धुलिकण आरोग्यासाठी सर्वाधिक धोकादायक असल्याचे चोपणे यांनी सांगितले.

प्रदूषणाची कारणे काय?

– वाहनांची वाढती संख्या, वाहनांचा धूर.
– रस्त्यावरील, वातावरणातील धूळ, कचरा.
– सार्वजनिक ठिकाणी जाळला जाणारा कचरा.
– विकास प्रकल्प, विकास बांधकाम प्रकल्प, स्थानिक उद्योग.
– रस्ते बांधणी, डागडुजीची कामे.