जळगाव : जळगावातील पारोळा येथील राष्ट्रीय महामार्ग ६ वरील वीजखेडे गावानजिक ट्रक व दोन पिकअप वाहनांच्या विचित्र अपघातात ३ महिला जागीच ठार तर २० जण गंभीरित्या जखमी झाल्याची घटना आज घडली. आज दुपारी १२ वाजेच्या सुमारास हा विचित्र अपघात घडला. या घटनेमुळे संपूर्ण परिसरात खळबळ उडाली असून पोलीस तपास सुरू असल्याची माहिती आहे.
मिळालेल्या माहितीनुसार, रेखाबाई गणेश कोळी ५५, योगिता रविंद्र पाटील ४०, यांचा जागीच मृत्यू झाला तर चंदनबाई नाना गिरासे – ५० या महिलेचा उपचारासाठी रुग्णालयात हलवत असताना वाटेत मृत्यू झाला आहे. या तिन्ही मयत महिला या बोळे ता. पारोळा येथील राहिवासी आहेत. तर या अपघातात दोन्ही वाहनांमधील २२ जण जखमी झाले आहेत.जखमीच्या नातेवाईकांची रुग्णालयात गर्दी
मिळालेल्या माहितीनुसार, रेखाबाई गणेश कोळी ५५, योगिता रविंद्र पाटील ४०, यांचा जागीच मृत्यू झाला तर चंदनबाई नाना गिरासे – ५० या महिलेचा उपचारासाठी रुग्णालयात हलवत असताना वाटेत मृत्यू झाला आहे. या तिन्ही मयत महिला या बोळे ता. पारोळा येथील राहिवासी आहेत. तर या अपघातात दोन्ही वाहनांमधील २२ जण जखमी झाले आहेत.
पारोळा तालुक्यातील बोळे येथून शिंदखेडा इथे एका अंत्यसंस्कारासाठी करंजीहून २२ जण पारोळा अंमळनेर मार्गे शिंदखेड्याकडे MH -18-M-5554 या क्रमांकाचे वाहनाने जात होते. या दरम्यान आज सकाळी १२ वाजता पारोळा तालुक्यातील विचखेडा गावाजवळ पारोळाकडून धुळ्याकडे जात असलेल्या GJ -12-BW -7254 या क्रमांकाच्या कंटेनरवरील चालकाचा ताबा सुटला.
यात कंटेनरने अंत्यसंस्कारासाठी शिंदखेडाकडे जाणाऱ्या वाहनाला धडक दिल्यानंतर आणखी दुसऱ्या एका नव्या पासिंगसाठी जाणाऱ्या मालवाहू वाहनाला जोरदार धडक दिली. यात अंत्ययात्रेसाठी जाणाऱ्या वाहनातील महिला जागीच ठार झाल्या. तर एका महिलेला रुग्णवाहिकेतून रुग्णालयात हलवले जात असताना तिचा रस्त्यात मृत्यू झाला. तर या अपघातात २२ जण गंभीर जखमी झालेत. यातील तिघांना धुळे तर इतरांना प्राथमिक उपचार करून खाजगी रुग्णालयात हलविण्यात आले.
जखमीच्या नातेवाईकांची रुग्णालयात गर्दी
या घटनेमुळे पारोळा इकुटीर रुग्णालयास यात्रेचे स्वरूप आले होते. सदर अपघाताचे वृत्त कळताच बोळे गावासह परिसरातून शेकडो नागरिकांनी अपघात स्थळी तसेच कुटीर रुग्णालय परिसरात एकच गर्दी केली होती.