अमरावती : तिवसा येथील त्रिमूर्तीनगरातील सराफा व्यावसायिक संजय भगवंत मांडळे (५५) यांचा खून व जबरी चोरी त्यांच्याकडे काम करणाऱ्या मिस्त्रीनेच केल्याचे समोर आले आहे. केवळ २४ तासांत स्थानिक गुन्हे शाखेने या गुन्ह्याचा उलगडा करत आरोपीला अटक केली. त्याच्याकडून ७ लाख ७५ हजारांचा मुद्देमाल जप्त करण्यात केला. आरोपी हा मृताच्या अंत्यसंस्कारासह इतर कार्यावेळी सुद्धा उपस्थित होता.
यासंदर्भात पोलीस अधीक्षक विशाल आनंद यांनी एका पत्रकार परिषदेत माहिती दिली. रोशन दिगांबर तांबटकर (२५) रा. देऊरवाडा, वर्धा असे अटक करण्यात आलेल्या आरोपीचे नाव आहे. तिवस्वातील त्रिमूर्तीनगर येथील रहिवासी सराफा व्यावसायिक संजय मांडळे यांचा मृतदेह सोमवार, २७ नोव्हेंबर रोजी सायंकाळी त्यांच्याच घरात रक्ताच्या थारोळ्यात आढळून आला होता.
यासंदर्भात पोलीस अधीक्षक विशाल आनंद यांनी एका पत्रकार परिषदेत माहिती दिली. रोशन दिगांबर तांबटकर (२५) रा. देऊरवाडा, वर्धा असे अटक करण्यात आलेल्या आरोपीचे नाव आहे. तिवस्वातील त्रिमूर्तीनगर येथील रहिवासी सराफा व्यावसायिक संजय मांडळे यांचा मृतदेह सोमवार, २७ नोव्हेंबर रोजी सायंकाळी त्यांच्याच घरात रक्ताच्या थारोळ्यात आढळून आला होता.
या प्रकरणी मृतक संजय यांची मुलगी वैष्णवी हिने तिवसा ठाण्यात तक्रार दाखल केली होती. अज्ञाताने वडिलांची हत्या करून ७४ लाख ६८ हजारांचा ऐवज लंपास केल्याचे तिने तक्रारीत नमूद केले होते. त्यानुसार पोलिसांनी गुन्हा दाखल करून तपास आरंभला. तपासादरम्यान संजय मांडळे यांच्या घरी गवंडी काम करणाऱ्या मिस्त्री रोशन तांबटकर याच्यावर पोलिसांना संशय आला. त्यामुळे त्याची उलटतपासणी घेण्यात आली.
दुबईला बर्थडे साजरा न केल्याने वाद, पुण्यात पत्नीने तोंडावर मारला ठोसा, पतीचा मृत्यू
रोशन हा तीन ते चार महिन्यांपासून संजय मांडळे यांच्या घरी मिस्त्री म्हणून नूतनीकरणाचे काम करीत होता. त्यामुळे संजय मांडळे यांच्या मुलासोबत त्याची मैत्री झाली होती. त्यातून संजय मांडळे हे सोमवारी घरी एकटेच असतात. मुलगा आईला घेऊन अमरावतीला रुग्णालयात जात असतो. ते घरूनच व्यवसाय करतात, अशी माहिती रोशनने मिळविली.
संजय मांडळे हे एकटेच घरी होते. त्यावेळी रोशन हा दारू प्राशन करून त्यांच्या घरी गेला. त्याने मजुरीपेक्षा अधिक पैशांची मागणी संजय मांडळे यांच्याकडे केली. त्यास संजय मांडळे यांनी नकार दिल्यावर रोशन हा वरच्या मजल्यावरून खाली आला. कुदळीचा दांडा घेऊन तो पुन्हा वर गेला. त्याने संजय मांडळे यांना सोपसुपारी मागितली. ती देऊन पानपुडा ठेवण्याकरिता संजय मांडळे हे वळल्यावर त्याने लाकडी दांड्याने त्यांच्या डोक्यावर वार करुन त्यांचा खून केला. त्यानंतर त्याने घरातील कपाटातील सोन्याचे दागिने व रोख रक्कम लंपास केल्याचे चौकशीत समोर आले.
सिंहगड इन्स्टिट्यूटच्या संस्थापकांवर गुन्हा, कर्मचाऱ्यांचा ७० लाखांचा पीएफ लाटल्याचा आरोप
दरम्यान, तक्रारीत ७४ लाख ६८ हजार रुपयांचा ऐवज लंपास झाल्याचे नमूद करण्यात आले होते. मात्र, रोशनकडून १२ हजार रोख रकमेसह ७ लाख ७५ हजार रुपयांचा ऐवज जप्त करण्यात आला. त्यामुळे रोशनने नेमका किती ऐवज लांबविला, हे त्याच्या पोलीस कोठडीदरम्यान उघड होणार आहे.
दरोड्यानंतर २१ वर्षीय तरुणीच्या अपहरणाचा गुंता सुटला, ३८ वर्षीय प्रियकराच्या साथीने बनाव
संजय मांडळे यांची हत्या करून ऐवज लुटल्यावर रोशन हा सायंकाळी दुचाकीने घटनास्थळावरुन निघून गेला. रात्री ८ वाजताच्या सुमारास तो नागरिकांच्या गर्दीत पुन्हा संजय मांडळे यांच्या घरी पोहोचला. तो मंगळवारी अंत्ययात्रेतही सहभागी झाला. पोलिसांची दिशाभूल करण्यासाठी तो तिवस्यात वावरला. मात्र, स्थानिक गुन्हे शाखेच्या नजरेतून तो सुटला नाही. चौकशीत तोच मारेकरी असल्याचे निष्पन्न झाल्यावर त्याला अटक करण्यात आली. चौकशीत त्याने गुन्ह्याची कबुली दिली. गुन्ह्याचा उलगडा करणाऱ्या स्थानिक गुन्हे शाखेच्या टीमसह संबंधितांना रिवॉर्ड दिले जाणार आहे.
Read Latest Maharashtra Updates And Marathi News