कल्याण: उपचार घेत असलेल्या महिलेचा मृत्यू झाल्याची घटना वालधूनी परिसरात घडली आहे. महिलेचा मृत्यू झाल्यानंतर नातेवाईकांसह नागरिकांनी डॉक्टरच्या क्लिनिकमध्ये गोंधळ घातला. उपचारात हलगर्जीपणा केल्यामुळे मृत्यू झाल्याचा आरोप मृत महिलेच्या नातेवाईकांनी केला आहे. या प्रकरणी डॉक्टरांवर कारवाई करण्याची मागणी नातेवाईकांनी केली आहे.
या घटनेनंतर नातेवाईकांनी क्लिनिकमध्ये गोंधळ घातल्याने परिसरात तणावाचे वातावरण निर्माण झाले होते. महात्मा फुले पोलिसांनी तत्काळ घटनास्थळी धाव घेत परिस्थिती नियंत्रणात आणली. याप्रकरणी तपास सुरू असल्याचे पोलिसांनी सांगितले. कल्याण पश्चिमेतील वालधूनी परिसरात राहणारी २४ वर्षीय महिला प्रियंका गायकवाड तिच्या माहेरी आली होती. तिने १० दिवसापूर्वीच एका मुलीला जन्म दिला होता. प्रियंका ही तिच्या पतीसोबत पुण्यातील चाकण येथे राहत होती. ती माहेरी आल्यावर व्यवस्थित होती. परंतु तीन दिवसांपूर्वी तिला त्रास झाला.
या घटनेनंतर नातेवाईकांनी क्लिनिकमध्ये गोंधळ घातल्याने परिसरात तणावाचे वातावरण निर्माण झाले होते. महात्मा फुले पोलिसांनी तत्काळ घटनास्थळी धाव घेत परिस्थिती नियंत्रणात आणली. याप्रकरणी तपास सुरू असल्याचे पोलिसांनी सांगितले. कल्याण पश्चिमेतील वालधूनी परिसरात राहणारी २४ वर्षीय महिला प्रियंका गायकवाड तिच्या माहेरी आली होती. तिने १० दिवसापूर्वीच एका मुलीला जन्म दिला होता. प्रियंका ही तिच्या पतीसोबत पुण्यातील चाकण येथे राहत होती. ती माहेरी आल्यावर व्यवस्थित होती. परंतु तीन दिवसांपूर्वी तिला त्रास झाला.
प्रियंका उपचारासाठी या परिसरातील एका क्लिनिकमध्ये गेली आणि डॉक्टरने तिच्यावर उपचार सुरू केले. मात्र प्रियंकाला बुधवारी जास्त त्रास झाला. याच दरम्यान प्रियंकाचा मृत्यू झाला. त्यानंतर डॉक्टरांनी उपचारात हलगर्जीपणा केल्यामुळे प्रियंकाचा मृत्यू झाल्याचा आरोप मयत प्रियंकाच्या नातेवाईकांनी केला. या घटनेनंतर डॉक्टरच्या क्लिनिकमध्ये गोंधळ घातला. यावेळी डॉक्टर आणि त्यांचे सहकारी क्लिनिकमध्ये होते. क्लिनिकमध्ये गोंधळ झाल्यानंतर परिसरात क्लिनिकच्या आजूबाजूला गर्दी जमली. त्यामुळे काही काळ या ठिकाणी तणावाचं वातावरण निर्माण झालं होतं.
महात्मा फुले पोलिसांनी घटनास्थळी धाव घेत परिस्थिती नियंत्रणात आणली. याप्रकरणी डॉक्टर आणि मयत महिलेचे नातेवाईकांनी एकमेकांविरोधात महात्मा पोलीस ठाण्यात तक्रार दिली आहे. घडलेल्या प्रकरणी डॉक्टर यांनी कॅमेऱ्यावर बोलण्यास त्यांनी नकार दिला. सध्या त्याच्या जवाब पोलिसांनी नोंदविला आहे. दुसरीकडे या प्रकरणात महात्मा फुले पोलीस स्टेशनचे वरिष्ठ पोलीस निरीक्षक शैलेश राऊत यांचे म्हणणे आहे की महिलेच्या मृत्यूप्रकरणी तपास सुरू आहे योग्य ती कारवाई केली जाईल.