‘हे भुरटे राज्याला न्याय देऊ शकत नाहीत. दुसरे दोन हाफ कुठे आहेत माहीत नाही. मग शेवटी या राज्याचा मायबाय कोण आहे? विशेष म्हणजे काही दिवसांपूर्वी हवामान खात्याने इशारा दिला होता की, या काळात अवकाळी पाऊस होऊ शकतो. त्याबाबत आपल्या मंत्र्यांनी काय केले? आपल्या कृषिमंत्र्यांनी दिवाळीपूर्वी पीकविम्याची अग्रीम रक्कम शेतकऱ्यांना मिळाली नाही तर मी दिवाळी साजरी करणार नाही असे जाहीर केले होते. मला तर नंतर ते दिसले नाहीत,’ असा टोलाही ठाकरे यांनी लगावला.

‘उद्धव ठाकरे यांची अवस्था सध्या सहनही होत नाही आणि सांगताही येत नाही, अशी झाली आहे. उद्धव ठाकरे यांनी मुख्यमंत्री एकनाथ शिंदे यांच्या संदर्भात असंसदीय शब्दाचा प्रयोग केला आहे. त्यांनी मुख्यमंत्री एकनाथ शिंदे यांना उद्देशून केलेल्या टीकेची ऑडिओ-व्हिडिओ क्लिप मागविण्यात आली आहे. कायदेतज्ज्ञ आणि वरिष्ठ पोलीस अधिकारी यांच्याशी चर्चा करून यासंदर्भात पुढचा निर्णय घेण्यात येईल,’ अशी माहिती राज्य उत्पादन शुल्क मंत्री शंभुराज देसाई यांनी दिली.