म. टा. वृत्तसेवा, निफाड : भाजपचे प्रदेशाध्यक्ष चंद्रशेखर बावनकुळे यांच्या मकाऊ दौऱ्यातील छायाचित्रांवरून खासदार संजय राऊत यांनी केलेल्या आरोपांवरील प्रश्नांवर नाराजी व्यक्त करीत ‘हा काय म्हणाला, तो काय म्हणाला, यापेक्षा स्थानिक प्रश्नांवर मला विचारा’, असा सल्ला त्यांनी पत्रकारांना दिला.
चंद्रशेखर बावनकुळे निफाड येथे पदाधिकाऱ्यांच्या मेळाव्यासाठी आले असताना त्यांनी पत्रकारांशी संवाद साधला. राऊत यांनी ट्वीट करीत एक व्हिडीओ टाकला असून, ‘ये तो ट्रेलर है, पिक्चर अभी बाकी है’, अशी त्यावर पोस्ट केली होती. यावर पत्रकारांनी विचारले असता बावनकुळे यांनी, मी त्यावर बोललो आहे. ते जे बोलत आहेत, त्यांचे त्यांना ते लखलाभ होवो. मी यावर जास्त बोलणार नाही,’ असे म्हणत अधिक बोलण्यास नकार दिला.
चंद्रशेखर बावनकुळे निफाड येथे पदाधिकाऱ्यांच्या मेळाव्यासाठी आले असताना त्यांनी पत्रकारांशी संवाद साधला. राऊत यांनी ट्वीट करीत एक व्हिडीओ टाकला असून, ‘ये तो ट्रेलर है, पिक्चर अभी बाकी है’, अशी त्यावर पोस्ट केली होती. यावर पत्रकारांनी विचारले असता बावनकुळे यांनी, मी त्यावर बोललो आहे. ते जे बोलत आहेत, त्यांचे त्यांना ते लखलाभ होवो. मी यावर जास्त बोलणार नाही,’ असे म्हणत अधिक बोलण्यास नकार दिला.
राऊत यांनी शिंदे गट व अजित पवार गट भाजपकडे जाऊन ‘कमळ’ निशाणीवर लढणार असल्याचा दावा केला होता. यावर बावनकुळे यांनी, ‘मी ज्या कामासाठी आलो, त्या कामाचे उत्तर तुम्ही घेतले पाहिजे. तुमच्या प्रश्नाचे उत्तर देण्यासाठी आमचे प्रवक्ते असून, निफाड-दिंडोरीबाबत प्रश्न विचारले पाहिजेत. भाजपचा अध्यक्ष आलाय, तर त्याला डेव्हलपमेंटबाबत विचारावे. नाहीतर आपण यांनी हे केले, त्यांनी ते केले, असे विचारून दिवसभर आपला वेळ घालवू, नये’, असेही त्यांनी पत्रकारांना सुनावले.
राजस्थानमध्ये भाजप उमेदवाराच्या प्रचारासाठी लावलेल्या पोस्टरवर मुख्यमंत्री एकनाथ शिंदे यांचा हिंदू हृदयसम्राट उल्लेख करण्यात आला आहे. यावर विचारले असता, या प्रश्नालाही बगल देत, ‘तेथे काय झाले माहिती नाही’, असे ते म्हणाले.
३ तासांत कॅसिनोमध्ये साडेतीन कोटी उडवले, राऊतांचा आरोप, बावनकुळे म्हणाले, हॉटेलमध्ये सहकुटुंब….
सहाशे सुपरवॉरियर नेमणार
२०२४ च्या सर्वच निवडणुकांमध्ये प्रत्येक बूथवर ५१ टक्के मते मिळावीत, यासाठी ‘सुपर वॉरियर’ची नेमणूक करण्यासाठी आपण येथे आल्याचे त्यांनी सांगितले. एका बूथवर तीन सुपर वॉरियर नेमण्यात येणार असून, केंद्रीय राज्यमंत्री डॉ. भारती पवार यांच्या नेतृत्वाखाली ६०० ‘सुपर वॉरियर’ नेमणार असल्याचे त्यांनी सांगितले. साडेतीन लाख घरात पंतप्रधान नरेंद्र मोदी यांच्या नऊ वर्षांतील कामे घरोघरी पोहचवली जात आहेत, असेही बावनकुळे यांनी सांगितले.