गेल्या दोन ते तीन महिन्यांपासून राजू शेट्टी यांच्या आऊ आजारी आहेत. त्यामुळे राजू शेट्टी यांना आंदोलन सुरू करताना त्यांच्या प्रकृतीची काळजी लागली होती. मात्र “राजू तू चालून ये, मला काही होणार नाही…” असे सांगत आऊने त्यांना आशीर्वाद दिले होते.

आंदोलनात यश मिळाल्यानंतर घरी जाऊन आऊचे आशीर्वाद घेताना राजू शेट्टी भावूक झाले. आऊनेही आपल्या मुलाला हार घालत औक्षण केल्याचे पाहायला मिळाले.

मोदींविरुद्ध नकारात्मक टिप्पणी, राहुल गांधींनी घोडचूक केली? भाजपला ‘फुल टॉस’ दिल्याची चर्चा
स्वाभिमानी शेतकरी संघटनेचे अध्यक्ष राजू शेट्टी हे गेल्या दोन महिन्यांपासून ऊस दरासाठी आंदोलन करत होते. काल सकाळपासून स्वाभिमानी शेतकरी संघटनेने पुणे बेंगलोर राष्ट्रीय महामार्ग रोखून धरत आंदोलन केलं होतं. या आंदोलनाची गांभीर्याने दखल घेत जिल्हाधिकारी कार्यालयात संध्याकाळच्या सुमारास साखर कारखानदार आणि राजू शेट्टी यांचे प्रतिनिधी यांच्यात चर्चा पार पडली आणि अखेर स्वाभिमानी शेतकरी संघटनेची मागणी साखर कारखानदारांनी मान्य केली.

शरद पवार गटातील चौघांची खासदारकी रद्द करा, अजितदादा गटाची याचिका, कोणाकोणाची नावं?
स्वाभिमानी शेतकरी संघटनेने केलेल्या मागणीला यश मिळाल्यानंतर कार्यकर्त्यांनी राजू शेट्टी यांच्यावर फुलांची आणि गुलालाची उधळण करत एकच जल्लोष केला. मात्र यातील काही अतिउत्साही आणि मद्यपान केलेल्या कार्यकर्त्यांनी धिंगाणा घालत गोंधळ घालण्याचा प्रयत्न केला. यावेळी काही कार्यकर्त्यांनी राजू शेट्टी यांना खांद्यावर उचलून घेतले असताना धक्काबुक्की केल्याने राजू शेट्टी यांचा रस्त्यावर तोलदेखील गेला. यावेळी माध्यम प्रतिनिधींनीसोबतही धक्काबुक्कीचा प्रकार घडला. त्यानंतर राजू शेट्टी यांनी दिलगिरीही व्यक्त केली.

Read Latest Kolhapur Updates And Marathi News