मुंबई: मुंबईमध्ये सर्वच प्रकारचे प्रदूषण वाढत असतानाच गेट-वेजवळ भर समुद्रात काही जणांनी कचरा टाकल्याची घटना उघड झाली आहे. कचरा टाकल्याचा व्हिडिओ व्हायरल झाल्यानंतर पोलिसांनी या प्रकाराची गंभीर दखल घेत एक टॅक्सीचालक आणि कचरा टाकणाऱ्यांवर गुन्हा दाखल केला आहे.
मुंबई पोलिसांच्या एक्स हॅण्डलवर मंगळवारी एक व्हिडिओ पाठविण्यात आला होता. यामध्ये ताज हॉटेलसमोर गेट-वे ऑफ इंडियाच्या बाजूला किनाऱ्यावरून काहीजण समुद्रात कचरा टाकत असल्याचं दिसत आहे. रस्त्याच्या कडेला लावण्यात आलेल्या टॅक्सीत कचऱ्याने भरलेल्या प्लास्टिकच्या पिशव्या ठेवण्यात आल्या होत्या. चार ते पाच जण एक एक पिशवी घेऊन ती समुद्रात रिकामी करीत असल्याचे दिसत होते.
मुंबई पोलिसांच्या एक्स हॅण्डलवर मंगळवारी एक व्हिडिओ पाठविण्यात आला होता. यामध्ये ताज हॉटेलसमोर गेट-वे ऑफ इंडियाच्या बाजूला किनाऱ्यावरून काहीजण समुद्रात कचरा टाकत असल्याचं दिसत आहे. रस्त्याच्या कडेला लावण्यात आलेल्या टॅक्सीत कचऱ्याने भरलेल्या प्लास्टिकच्या पिशव्या ठेवण्यात आल्या होत्या. चार ते पाच जण एक एक पिशवी घेऊन ती समुद्रात रिकामी करीत असल्याचे दिसत होते.
या कचऱ्यामुळे समुद्राचे पाणी प्रदूषित होत असल्याचे या घटनेचा व्हिडिओ तयार करणाऱ्याने आपल्या संदेशात म्हटले होते. पोलिसांनी या व्हिडीओची दखल घेत कचरा टाकणाऱ्यांचा त्वरित शोध सुरू केला. या व्हिडिओमध्ये दिसलेल्या क्रमांकावर पोलिसांनी टॅक्सीचालकाला शोधून काढले.
मोहम्मद याकूब अहमद दूधवाला असे या टॅक्सीचालकाचे नाव आहे. त्याच्यासह इतर जणांविरुद्ध कुलाबा पोलिस ठाण्यात सार्वजनिक मालमत्ता नुकसानप्रतिबंध अधिनियम आणि भादंविच्या वेगवेगळ्या कलमांतर्गत गुन्हा दाखल करण्यात आला आहे.
दहा हजार रुपये दंड
मुंबई महापालिकेनेही या प्रकाराची दखल घेतली. पोलिसांनी टॅक्सीचालकाची ओळख पटविल्यानंतर मुंबई पालिकेच्या अ विभाग कार्यालयातील घनकचरा व्यवस्थापन अधिकाऱ्यांनी त्याला दहा हजार रुपयांचा दंड ठोठावला.
व्यवसायिक आनंद महिंद्रा यांनीही हा व्हिडिओ शेअर करत याबाबत नाराजी व्यक्त केली आहे. ते म्हणाले – ‘जर नागरिकांनी आपली वागणूक बदलली नाही तर फिझिकल इन्फ्रास्ट्रक्चरमध्ये कितीही विकास झाला तरी जगण्यात विकास होऊ शकणार नाही’.
मध्यरात्री घरात घोरण्याचा आवाज, जाऊन पाहिलं तर चोर झोपलेला, विचित्र घटनेने साऱ्यांना आश्चर्य
Read Latest Maharashtra News And Marathi News