गोंदिया: फेसबुकवर झालेल्या मैत्रीतून विश्वास ठेवत शेअर मार्केटमध्ये पैसे गुंतविणाऱ्या मेकॅनिकल इंजिनीअरला तब्बल १८ लाख १९ हजार ४४ रुपये गमवावे लागले. फेकचंद नकटू पटले (३७, रा. ठाणेगाव, ता. तिरोडा) असे फसवणूक झालेल्या इंजिनीअरचे नाव असून वर्धनराज एस. (रा. अशोकनगर, चेन्नई) असे आरोपीचे नाव आहे.
मिळालेल्या माहितीनुसार, ठाणेगाव येथील फेकचंद नकटू पटले हे तरुण ओमान येथे मागील १४ वर्षांपासून मेकॅनिकल इंजिनीअर म्हणून कार्यरत आहेत. सुट्टीदरम्यान ते गावी येत असतात. ओमान येथे असताना फेसबुकवर ते वर्धराजनच्या निफ्टी बॅकनिफ्टी पोस्ट बघायचे. त्यानुसार २९ नोव्हेंबर २०२१ रोजी पटले यांनी वर्धराजन याला फेसबुकवर संदेश पाठवित गुंतवणुकीशी संबंधीत माहिती व्हॉट्सॲपवर विचारली. वर्धराजनने ‘तुम्ही मला तुमचे डीमॅट अकाउंट वापरू दिल्यास तुम्हाला स्टॉक मार्केटमध्ये भरपूर फायदा करुन देऊ शकतो’ असे आमिष दिले.
मिळालेल्या माहितीनुसार, ठाणेगाव येथील फेकचंद नकटू पटले हे तरुण ओमान येथे मागील १४ वर्षांपासून मेकॅनिकल इंजिनीअर म्हणून कार्यरत आहेत. सुट्टीदरम्यान ते गावी येत असतात. ओमान येथे असताना फेसबुकवर ते वर्धराजनच्या निफ्टी बॅकनिफ्टी पोस्ट बघायचे. त्यानुसार २९ नोव्हेंबर २०२१ रोजी पटले यांनी वर्धराजन याला फेसबुकवर संदेश पाठवित गुंतवणुकीशी संबंधीत माहिती व्हॉट्सॲपवर विचारली. वर्धराजनने ‘तुम्ही मला तुमचे डीमॅट अकाउंट वापरू दिल्यास तुम्हाला स्टॉक मार्केटमध्ये भरपूर फायदा करुन देऊ शकतो’ असे आमिष दिले.
तसेच होणाऱ्या लाभातील १० टक्के वर्धराजन यांच्या अकाऊंटवर टाकण्याचे तसेच जर कॅपिटल रकमेचे नुकसान झाल्यास ती रक्कम प्राप्त झाल्यावर होणाऱ्या नफ्याचे ३० टक्के वर्धराजन यांना देण्याचे दोघांत ठरले. त्यानुसार, फेकचंद पटले यांना नफा मिळवून देण्याचे आमिष देत वर्धराजन याने त्यांची तब्बल १८ लाख १९ हजार ४४ रुपयांनी फसवणूक केली. या घटनेसंदर्भात तिरोडा पोलिसांनी भादंवि कलम ४२० अन्वये गुन्हा दाखल केला आहे. ठाणेगाव येथील फेकचंद पटले यांना आरोपी वर्धराजन याने ‘तुमचे डिमॅट अकाऊंटचे अधिकार द्या, नफा मिळवून देतो’ असे म्हटले होते. यावर पटले यांनी झेरोधा डिमॅट अकाऊंटचे सगळे अधिकार त्याला दिले.
२९ नोव्हेंबर २०२१ रोजी १९९९ रुपये भरून फेकचंद पटले यांनी त्याच्या कंपनीत सदस्यत्व मिळवित वर्धराजन याला यूजर अकांऊट, पासवर्ड, पिननंबर व्हॉटसॲपवर पाठविले होते. वर्धराजन याने २ डिसेंबर २०२१ रोजी झेरोधा डिमॅट अकाऊंटवरून १७ लाख ९९ हजार ६१५ रुपयांची ट्रेडिंग केली. त्या दिवशी वर्धराजन हा १७ लाख ७७ हजार ७४४ रुपयांनी तोट्यात गेला. परंतु, त्याचवेळी वर्धराजनने ५ लाख ४५ हजार ७०४ रुपये नफा झाल्याचा स्टेटस ठेवला होता. त्या स्टेटसचा स्क्रीन शॉट वर्धराजनला पाठवित पटले यांनी विचारणा केली असता ‘मी ऑफिसमध्ये नव्हतो. ऑफिसच्या मुलाला निफ्टी सीई बाय करायला सांगितले होते. मात्र, त्याने निफ्टी पे बाय केल्याचे सांगत नुकसान झाल्याचे म्हटले.