सातारा : मराठा समाजाला टिकणारे आरक्षण मिळावे, यासाठी अंतरवाली सराटी येथे मनोज जरांगे पाटील यांनी बेमुदत उपोषण केले होते. त्यानंतर सरकारला जाग आल्यानंतर त्यांनी कुणबी दाखल्यांच्या नोंदी तपासण्याचे काम प्रत्येक जिल्ह्यात सुरू केले आहे. जरांगे पाटलांनी सरकारला २४ डिसेंबरची मुदत दिली आहे. आता या पार्श्वभूमीवर आजपासून मनोज जरांगे पाटील हे महाराष्ट्रभर दौरा करून मराठा समाजात जागृती करणार आहेत. त्या पार्श्वभूमीवर त्यांचा पश्चिम महाराष्ट्रात दौरा होत आहे. ते गुरुवारपासून सातारा जिल्हा दौऱ्यावर असून सरसकट मराठा आरक्षणासाठी चार सभांच्या माध्यमातून तोफ धडाडणार आहे.
जरांगे पाटील यांचा उद्या गुरुवारपासून सातारा जिल्ह्यात दौरा सुरू होत असून, त्यांची पहिली सभा खटाव तालुक्यातील मायणी येथे होणार आहे. दुसरी सभा शुक्रवार, दि. १७ रोजी कराड येथील छत्रपती शिवाजी महाराज क्रीडा संकुलात होणार आहे. शुक्रवारी त्यांचा कराड येथे मुक्काम असणार आहे.
जरांगे पाटील यांचा उद्या गुरुवारपासून सातारा जिल्ह्यात दौरा सुरू होत असून, त्यांची पहिली सभा खटाव तालुक्यातील मायणी येथे होणार आहे. दुसरी सभा शुक्रवार, दि. १७ रोजी कराड येथील छत्रपती शिवाजी महाराज क्रीडा संकुलात होणार आहे. शुक्रवारी त्यांचा कराड येथे मुक्काम असणार आहे.
शनिवार, दि. १८ रोजी मराठ्याच्या राजधानी असलेल्या सातारा शहरात सकाळी रॅली काढून छत्रपती शिवाजी महाराजांच्या पोवई नाका येथील पुतळ्याला पुष्पहार अर्पण करून ते मेढा येथे सभेला रवाना होतील. त्यानंतर सायंकाळी वाईमध्ये सभा होणार आहेत. त्यानंतर ते रायगडकडे मुक्कामासाठी रवाना होणार आहेत.
श्री. जरांगे- पाटील यांच्या कराड येथील सभेला कराड पाटण तालुक्यांसह जवळच्या कडेगाव, शिराळा, सातारा, खटाव तालुक्यांतील एक लाखांहून अधिक मराठा बांधव-भगिनी येतील, असा विश्वास विश्वास समन्वयकांनी व्यक्त केला. दि. १७ नोव्हेंबरला रात्री ७ वाजता छत्रपती शिवाजी स्टेडियमवर त्यांच्या जाहीर सभेचे कराड- पाटण सकल मराठा समाजाच्या वतीने आयोजन केले आहे. मराठा समाजाच्या आचारसंहितेनुसार ही सभा होणार आहे. सभेसाठी विविध समित्यांची स्थापना करण्यात आली आहे. सभेला उच्चांकी गर्दी व्हावी, यासाठी संबंध प्रयत्न सुरू केले आहेत. या सभेचे आयोजन कराड व पाटण तालुका मराठा समन्वयक समितीने केले आहे. जरांगे – पाटील यांच्या सभेसाठी येताना कराडमधील सर्व बंधू भगिनी पायी चालत येणार असून आपल्या परगावाहून येणाऱ्या बांधवांच्या वाहनांना पार्किंग व्यवस्था उपलब्ध करून देणार आहेत.
जुन्या भांडणाचा राग, मित्रावर वार; डोक्यात दगड घालून संपवलं, नाशकात हत्येची हादरवणारी घटना
सभेसाठी कराड, पाटण, सातारा, खटाव, कडेगाव, शिराळा, तालुक्यातील मराठा बांधव मोठ्या संख्येने येणार आहेत. त्याचा विचार करून नुकतीच पोलिस उपअधीक्षक अमोल ठाकूर, वरिष्ठ पोलिस निरीक्षक प्रदीप सूर्यवंशी, वाहतूक विभागाचे सहाय्यक पोलिस निरीक्षक चेतन मछले यांच्याशी मराठा समन्वयकांची बैठक झाली. त्यात सुरक्षा, पार्किंग व अन्य वाहतुकीच्या विषयासंदर्भात चर्चा झाली.
Read Latest Maharashtra News And Marathi News