याबाबत पोलिसांनी सांगितले, की मार्च २०२२ ते जुलै २०२३ या कालावधीत सातारा जिल्ह्यातील मेढा, मल्हारपेठ, वाई, सातारा, बोरगाव, खंडाळा, शिरवळ, भुईंज, वाई, वाठार, उंब्रज, व वडूज या भागात दोन ते तीन केटीएम मोटारसायकलवरून ६ ते ७ जण येऊन घरफोड्या करून पळून जात होते.

या गुन्ह्यांचे गांभीर्य लक्षात घेऊन पोलीस अधीक्षक समीर शेख , अपर पोलीस अधीक्षक आँचल दलाल यांनी स्थानिक गुन्हे शाखेचे पोलीस निरीक्षक अरुण देवकर यांना केटीएम गँग पकडण्याच्या सूचना दिल्या होत्या. या केटीएम गँगने सातारा, पुणे, अहमदनगर, कोल्हापूर, सांगली जिल्ह्यातही तसेच कर्नाटक व गुजरात राज्यात मोठ्या प्रमाणात घरफोड्या, चोऱ्या केल्या असल्याने गँगला पकडण्याचे मोठे आव्हान सातारा जिल्हा पोलीस दलासमोर होते.

देवकर यांनी या गँगला पकडण्यासाठी सहाय्यक पोलीस निरीक्षक सुधीर पाटील, रविंद्र भोरे, पोलीस उपनिरीक्षक विश्वास शिंगाडे, अमित पाटील यांच्या नेतृत्वाखाली तपास पथके तयार केली होती. या तपास पथकांनी केटीएम गँगची गुन्हे करण्याच्या पद्धतीबाबत अभ्यास करून या गँगने सातारा जिल्ह्यात दोन ते तीन मोटारसायकलवर येऊन एका रात्रीत सुमारे ८ ते १० बंद असलेल्या घरांच्या घरफोडी चोरी करू न १२० ते १४० किलोमीटरच्या भरधाव वेगात धूम स्टाईलने पळून जात होते. त्यामुळे या संशयित आरोपींबाबत माहिती मिळत नव्हती. त्यामुळे देवकर यांनी गोपनिय बातमीदार तयार करून त्यास पौंड, यवत परिसरात ठेवून टोळीच्या हालचालीवर बारकाईने लक्ष ठेवण्यास सांगितले होते. हे बातमीदार सलग ३ महिने गँगच्या हालचालीवर पुणे, पौड, यवत, मुळशी परिसरात लक्ष ठेवून होते. ते उपलब्ध माहिती वेळोवेळी पोलीस निरीक्षक अरुण देवकर यांना देत होते.

ऑगस्ट २०२३ मध्ये बातमीदाराने केटीएम गँगमधील तीन संशयित आरोपी पौड परिसर (जि.पुणे) येथे असल्याची गोपनीय माहिती पोलीस निरीक्षक अरुण देवकर यांना दिली. त्यानुसार त्यांनी भुईंज पोलीस ठाण्याचे सहाय्यक पोलीस निरीक्षक रमेश गर्जे व स्थानिक गुन्हे शाखेचे सहायक पोलीस निरीक्षक रविंद्र भोरे, पोलीस उपनिरीक्षक विश्वास शिंगाडे, अमित पाटील यांच्या तपास पथकांना संबंधित संशयित आरोपींचा पौड येथे जावून त्यांचा शोध घेवून त्यांना ताब्यात घेण्याच्या सूचना दिल्या होत्या. त्याप्रमाणे तपास पथकांनी पौड (ता. मुळशी, जि. पुणे) येथील डोंगर दऱ्यांमधील परिसरामध्ये भर पावसात सापळा लावून सुरदेव सिलोन नानावत (वय ३३, रा. घोटावडे, ता. मुळशी, जि. पुणे), राम धारा बिरावत (वय ३८, रा. करमोळी, पो. पौड, ता. मुळशी, जि.पुणे), परदुम सिलोन नानावत (वय २५, रा. घोटावडे, ता. मुळशी, जि. पुणे) या संशयित आरोपींनी पावसाळी वातावरणाचा फायदा घेवून पथकाच्या ताब्यातून पळून जाण्याचा प्रयत्न केला, असता त्यांना शिताफीने त्यांच्या मुसक्या आवळून ताब्यात घेतले.

संशयित तीन आरोपींना अटक करून पोलीस कोठडीत त्यांना विश्वासात घेवून सखोल विचारपूस केली असता त्यांनी सातारा, मेढा, बोरगाव, खंडाळा, शिरवळ, भुईंज, वाई, वाठार, उंब्रज, मल्हारपेठ, वडुज, कराड तालुक्यात २०२२ ते जुलै २०२३ या कालावधीत घरफोड्या करून सोन्या, चांदीचे दागिने व रोख रकमा चोरी केल्या असल्याचे सांगितले. सोन्या, चांदीचे दागिने हे अहमदाबाद (गुजरात) येथील महिला सोनार तसेच सोनपालसिंग नारायणसिंग रजपूत व प्रदिप आसनदास खटवानी यांना विकले असल्याचे सांगितले. या माहितीवरून स्थानिक गुन्हे शाखेचे तपास पथक तात्काळ अहमदाबाद येथे रवाना झाले. तेथे महिला सोनार व प्रदिप आसनदास खटवानी यांना या दोघांनाही या गुन्ह्यात अटक केली आहे.
मुंबईहून निघालेल्या कोयना एक्सप्रेसच्या इंजिनचा बिघाड, ऐन दिवाळीत प्रवाशांना मोठा मनस्ताप
सहायक पोलीस निरीक्षक सुधीर पाटील, पोलीस उपनिरीक्षक विश्वास शिंगाडे यांनी तपास पथकासह पुन्हा गुजरात राज्यात जावून आरोपींनी सोने ज्या सोनारांकडे गहाण ठेवले होते. त्या सोनारांकडून गुन्ह्यातील चोरीस गेलेले सोन्या चांदीच्या दागिण्यांपैकी, चालू बाजारा भावाप्रमाणे ६३ लाख ३० हजार ५८० रुपये किंमतीचे १०३ तोळे वजनाचे सोन्याचे दागिने व ३ लाख ८८ हजार ५०० रुपये किमतीचे ५ किलो वजनाचे चांदीचे दागिने हस्तगत करून सातारा जिल्ह्यातील मुद्देमाल परराज्यात गुजरात येथे जाऊन हस्तगत करण्याची विक्रमी कामगिरी केली आहे.
विसर्जन मिरवणुकीत आगीची दुर्घटना, होरपळलेल्या ओवीची मृत्यूशी झुंज अपयशी; ऐन दिवाळीत लेक गेली
सातारा स्थानिक गुन्हे शाखेने नोव्हेंबर २०२२ पासून आतापर्यंत दरोडा, जबरी चोरी, घरफोडी चोरी असे एकूण ११५ मालमत्तेचे गुन्हे उघडकीस आणले आहेत. तर पुण्यातील चोरीस गेलेल्या सोन्याच्या दागिण्यांपैकी ३३८ तोळे सोने (३ किलो ३८० ग्रॅम) असा एकूण दोन कोटी सहा लाख अठरा हजार रुपये व ४ लाख ४४ हजार रुपये किमतीचे ६ किलो वजनाचे चांदीचे दगिने असा मुद्देमाल हस्तगत केला आहे.
मित्रांसोबत क्रिकेट खेळून परतताना घात, ऐन दिवाळीत जगदाळेंच्या घरात अंधार दाटला, तरण्या मुलाची एक्झिट

Read Latest Maharashtra Updates And Marathi News