या घटनेची माहिती तात्काळ पोलीस व अग्निशमन विभागाला देण्यात आली. अग्निशमन दलाने तत्काळ घटनास्थळ गाठून आग विझवण्यास सुरुवात केली. मात्र, तोपर्यंत घरात ठेवलेले सामान जळून राख झाले होते. तर त्रिमूर्ती नगरमध्ये ३, लकडगंजमध्ये २, तर गंजीपेठ, कॉटन मार्केट, सुगत नगर, वैशालीनगर, महाल भागात आगीच्या घटना घडल्या. शंकरनगर येथील दंडीगे लेआऊटमधील एका सभागृहाचा छताला आग लागली. सुगतनगर येथील महापालिका शाळेजवळील कचऱ्याच्या ढिगाऱ्याला आग लागली. आग पसरण्यापूर्वीच त्यावर नियंत्रणात आणण्यात आले.

दिवाळीत फटाक्यांमुळे ११ जण जखमी झाले असून त्यांना उपचारासाठी नागपूर येथील शासकीय वैद्यकीय महाविद्यालय आणि रुग्णालय येथे दाखल करण्यात आले आहे. यामध्ये फटाक्यांच्या आवाजामुळे डोळ्यांना किंवा शरीराच्या इतर भागात किंवा कानाला त्रास होऊन वैद्यकीय रुग्णालयात पोहोचलेले ११ रुग्ण आहेत. यामध्ये ८ ते ११ वर्षे वयोगटातील ४ मुलांचाही समावेश आहे. फटाक्यांमुळे काही जण किरकोळ भाजले आहे. बहुतांश रुग्णांवर उपचार करून त्यांना रुग्णालयातून सुट्टी देण्यात आल्याची माहिती वैद्यकीय प्रशासनाने दिली. अनेक खासगी रुग्णालयातही या रुग्णांची नोंद करण्यात आली होती.