मिरा-भाईंदर : मिठाई खरेदीचे पैसे विक्रेत्याच्या सूचनेनुसार त्याला ऑनलाइन पाठवत असताना, अज्ञात व्यक्तीने बँक खात्यातून ८० हजार रुपये काढून घेतले. मिरा-भाईंदरच्या भाजप आमदार गीता जैन यांची कन्या स्नेहा सकलेजा यांची फसवणूक झाल्याचा धक्कादायक प्रकार उघडकीस आला आहे. या प्रकरणी नवघर पोलिस ठाण्यात अज्ञात व्यक्तीविरोधात शुक्रवारी गुन्हा दाखल करण्यात आला.
स्नेहा यांची सासू प्रतिभा यांनी दिवाळीनिमित्त तिवारी ब्रदर्स नामक मिठाई विक्रेत्याकडून मिठाई खरेदी केली होती. त्याचे पैसे ऑनलाइन पाठवण्यास विक्रेत्याने सांगितले. त्यामुळे स्नेहा यांच्या सासूने त्यांना हे पैसे पाठवण्यास सांगितले होते.
स्नेहा यांची सासू प्रतिभा यांनी दिवाळीनिमित्त तिवारी ब्रदर्स नामक मिठाई विक्रेत्याकडून मिठाई खरेदी केली होती. त्याचे पैसे ऑनलाइन पाठवण्यास विक्रेत्याने सांगितले. त्यामुळे स्नेहा यांच्या सासूने त्यांना हे पैसे पाठवण्यास सांगितले होते.
त्यानुसार प्राप्त झालेल्या स्कॅनरवर स्नेहा यांनी ४८० रुपये पाठवून दिले. काही वेळानंतर एका व्यक्तीने आपण मिठाई विक्रेता बोलत असल्याचे सांगत, पैसे पाठवताना ते कशाचे पैसे आहेत, हेदेखील नमूद करण्यास स्नेहा यांना सांगितले. त्याने सांगितल्यानुसार स्नेहा यांनी ॲपवर प्रक्रिया केली.
त्यानंतर स्नेहा यांच्या बँक खात्यातून दोन टप्प्यात ८० हजार रुपये वजा झाले. ही बाब त्यांच्या निदर्शनास येतात त्यांनी पुन्हा मिठाई विक्रेत्याशी संपर्क साधला. मात्र नंतर मोबाइल बंद झाल्याने त्यांना आपली फसवणूक झाल्याचे लक्षात आले.
तेरी मेरी दोस्ती प्यार मे बदल गयी, खाकी वर्दीतच रील, महिला पोलिसाचं निलंबन
त्यांनी याबाबत नवघर पोलिस ठाण्यात तक्रार दाखल केली होती. त्यानुसार पोलिसांनी शुक्रवारी तिवारी ब्रदर्समध्ये काम करणाऱ्या अज्ञात व्यक्तीविरोधात फसवणुकीचा गुन्हा दाखल केला आहे.
Read Latest Maharashtra Updates And Marathi News