बुलढाणा: जिल्ह्यातील मेहकर येथे भिकाऱ्याच्या सायकलला एका दुचाकीने धडक दिली. अपघातात जखमी झालेल्या भिकाऱ्यावर रुग्णालयात उपचार सुरू होते. दरम्यान पोलिसांनी त्याची थैली आणि गोधळी तपासली. त्यामध्ये लाखो रुपये सापडले. याशिवाय मेहकरमधील अनेक बँकांची पासबुक, एटीएम कार्ड्स आणि चेकबुक सापडली. एखाद्या हिंदी चित्रपटात शोभावा असा चक्रावून टाकणारा प्रकार उघडकीस आल्यानंतर सगळ्यांनाच धक्का बसला,

८ नोव्हेंबर रोजी एक व्यक्ती डोणगाव रोडवरील रुग्णालयासमोरून सायकलवरुन जात असलेल्या भिकाऱ्याला एका अज्ञात दुचाकीने धडक दिली. या अपघातात भिकार गंभीर जखमी झाला. त्याच्यावर डॉक्टर येवले यांनी उपचार केले आणि त्याला डॉक्टर सातपुते यांच्या रुग्णालयात भरती केले. त्याची पिशवी आणि गोधडी डॉक्टर येवले यांच्या हॉस्पिटल समोर असलेल्या त्याच्या सायकलवर पडून होती. डॉक्टरांनी मेहकर पोलिसांना अपघाताची माहिती दिली. पोलीस रुग्णालयात पोहोचले आणि जखमी व्यक्तीची पिशवी तपासली. त्यात लाखो रुपये होते. पोलिसांनी ते ताब्यात घेऊन रुग्णाला पुढील उपचारासाठी अकोला येथे पाठवले. रुग्णाची गोधडी येवले हॉस्पिटल समोर आठ नोव्हेंबर रोजी दिवसभर पडून होती. तिला कोणीही हात लावला नाही.
लॉटरीच लागली! जाळ्यानं गावला दुर्मीळ मासा; मच्छिमार रातोरात करोडपती, एकाएकी पालटलं नशीब
गोधडीमध्ये आणखी मोठी रक्कम
भिकाऱ्याच्या गोधडीत मेहकर मधील अनेक बँकांची पासबुक, चेक बुक, एटीएम आणि चिल्लर भरलेली पिशवी पोलिसांना सापडली. ॲक्सिस बँकेच्या पासबुकमध्ये मे २०२३ पर्यंतच्या एंट्रीज सापडल्या. त्या खात्यात जवळपास २६००० रुपये आहेत. मेहकर अर्बन बँकेच्या पासबुकमध्ये १ लाख ९ हजार २८४ रुपये आहेत. याशिवाय प्लास्टिकच्या दोन पिशव्यां ३ ते ४ हजार रुपयांची चिल्लर व इतर अनेक बँकांची पासबुक सापडली. त्यात मोठ्या रकमा आहेत. हा सगळा प्रकार पाहून पोलीस चक्रावून गेले. बँकेच्या पासबुकांमध्ये असलेल्या एंट्री पाच ते सहा महिन्यांपूर्वीच्या आहेत. त्यानंतरच्या महिन्यांमध्ये आणखी रोकड जमा केल्याचा अंदाज आहे. पोलीस तपासातून त्याचा उलगडा होईल.
८० लाखांचा विमा, कार पेटवली, भिकाऱ्याला संपवून मृत्यूचा बनाव; १७ वर्षांनी ‘असा’ सापडला आरोपी
श्रीमंत भिकाऱ्याच्या कुटुंबाचा शोध लागला
अकोल्यात उपचार सुरू असताना श्रीमंत भिकाऱ्याचा मृत्यू झाला. त्याचा मृतदेह १० नोव्हेंला मेहकर येथे आणला गेला. त्याच्या पिशवीतील कागदपत्रावरून तो अंजनी बुद्रुक येथील रहिवासी असल्याचे स्पष्ट झाल्यावर ठाणेदार राजेश शिंगटे, सहाय्यक फौजदार संग्राम ब्राह्मणे आणि स्थानिक पत्रकार असे सगळे त्याच्या गावी पोहोचले. दीपक बाबुराव मोरे (वय ४८) असे मृत पावलेल्या व्यक्तीचे नाव आहे. त्याची पत्नी चंदा दीपक मोरे, मुलगा धम्मपाल दीपक मोरे यांच्याकडे पोलिसांनी तपासादरम्यान सापडलेली रक्कम, पासबुक, एटीएम आणि चेक सुपूर्द केले.
मूल कसं जन्माला येतं, प्रॅक्टिकल दाखवा! NEET विद्यार्थ्याचा प्रश्न, शिक्षिकेचं सडेतोड उत्तर
दीपक मोरे गेल्या अनेक महिन्यांपासून शहरात भीक मागत होता . सोबतच भंगार जमा करून ते विकण्याचे कामे करत होता असे ठाणेदार शिंगटे यांनी सांगितले. अंजनी बुद्रुक येथे मृताचे चार टिनाचे घर आहे. त्याच्या कुटुंबाची परिस्थिती अतिशय वाईट आहे. ते दारिद्र्यमय स्थितीत दिवस काढत आहेत. दीपक मोरे यांना तीन विवाहित मुले आहेत.

कुणी कल्पनाही करू शकणार नाही अशी नाट्यमय घटना उघडकीस आल्याने तिची चर्चा सध्या सर्वत्र सुरू आहे. एखाद्या हिंदी चित्रपटात शोभेल अशी घटना चक्रावून टाकणारी आहे. भीक मागणाऱ्या व्यक्तीचा सायकलवरून जाताना अपघात होतो आणि त्याच्या लाखो रुपये सापडतात. अनेक बँकांची पासबुक, एटीएम आढळून येतात. खोटा वाटणारा हा प्रकार प्रत्यक्षात घडल्याने त्याबद्दल अनेकांना नवल वाटत आहे.