भावनगरपासून ‘लेसर फ्लोरिकन मेल (एलएफएम) नऊ’ या तणमोराने प्रवास केला. हा तणमोर दक्षिणेकडे प्रवास करत असल्याचे आढळले. ११ नोव्हेंबर २०२२पर्यंत या तणमोराने दोन राज्यांत प्रवास केला. गुजरातमधील १६ जिल्हे आणि महाराष्ट्रातील तीन जिल्ह्यांमधील १५ गावे या पक्षाने ओलांडली. नोव्हेंबर २०२२ मध्ये हा तणमोर पालघर, पुणे जिल्हा असा प्रवास करत सातारा जिल्ह्यात फलटणपर्यंत पोहोचला होता. ‘एलएफएम दहा’ या तणमोराने गुजरातमधून नोव्हेंबर २०२२पासून प्रवास सुरू केला. हा तणमोर नाशिकमधून महाराष्ट्रातून प्रवास करत अहमदनगर आणि पुढे सोलापूरपर्यंत पोहोचला. नोव्हेंबर आणि डिसेंबर २०२२ या कालावधीत हा तणमोर महाराष्ट्रात होता. यापूर्वी महाराष्ट्रामध्ये तणमोराचे प्रजनन होत होते, मात्र सध्या यासंदर्भात कोणतीच माहिती हाती आलेली नाही, असे कॉर्बेट फाऊंडेशनचे संचालक केदार गोरे यांनी सांगितले.

कुरणे, गवताळ प्रदेश जपण्याची गरज

हे तणमोर आपला अधिवास सोडून इतर ठिकाणी जाण्यासाठी अंतर्गत आणि बाह्य अशा दोन्ही घटकांचा प्रभाव असतो. बाह्य घटकांमध्ये गवत, झुडुपे, शेतीच्या जागांची उपलब्धता महत्त्वाची असते. हे तणमोर महाराष्ट्रात आल्याच्या पार्श्वभूमीवर राज्यात उपलब्ध झालेला अधिवास, अन्नाची उपलब्धता याचा येत्या काळातही अभ्यास होण्याची गरज व्यक्त होत आहे. तसेच नष्ट होत जाणारी कुरणे, गवताळ प्रदेश जपली जाण्याची गरज या अभ्यासामुळे समोर आली आहे. तसेच हे पक्षी जगावेत यासाठी विद्युत तारा, कुंपण अशा धोक्यांवर विचार होण्याचीही गरजही या शोधनिबंधात व्यक्त करण्यात आली आहे.

भारतीय ठरतायेत जीवघेण्या आजाराचे बळी, WHOने केलं अलर्ट, जगात सर्वाधिक रुग्णांची नोंद