मिरवणुकीत युवराज कोसळल्यानंतर माँ जगदंबा उत्सव मंडळाच्या काही कार्यकर्त्यांनी त्याला खाजगी रुग्णालयात दाखल केले. यावेळी तेथील डॉक्टरांनी तपासणी करून त्याला मृत घोषित केले. त्यानंतर युवराजचा मृतदेह स्थानिक सामान्य रुग्णालयात पाठवण्यात आला. तिथे प्रचंड गर्दी झाली होती. युवराज यादवच्या पश्चात आई दोन भाऊ दोन बहिणी व बराच मोठा आप्त परिवार आहे. त्याच्या मृत्यूने कुटुंबावर दुःखाचा डोंगर कोसळलाअसून रेखा प्लॉट भागात शोककळा पसरली आहे.

युवराजच्या मृत्यूनंतर विविध तर्कवितर्क लावण्यात येत आहेत. डीजेच्या आवाजामुळे हृदयविकाराचा धक्का पोहोचल्याने तरुणाचा मृत्यू झाल्याची चर्चा सामान्य रुग्णाला परिसरात होती. अनेक वेळा कोणत्याच नियमाचे पालन न करता मिरवणुकी दरम्यान डीजे कर्कश आवाजात वाजवला जातो. अशा प्रकारच्या घटना सातत्यानं समोर येत आहेत. पण त्यापासून कोणते धडे घेतले जात नाहीत. नियम धाब्यावर बसवले जात असताना अशा घटनांना आमंत्रण मिळते.