तर दुसरीकडे राष्ट्रीय ओबीसी महासंघाचे प्रमुख बबनराव तायवाडे आणि काँग्रेस नेते विजय वडेट्टीवार हेदेखील आक्रमक झाले आहेत. मराठा समाजाला ओबीसी कोट्यातून आरक्षण देण्याविरोधात बोलण्यासाठी कोणताही ओबीसी नेता पुढे येत नाही. फक्त छगन भुजबळ आणि विजय वडेट्टीवार हे दोनच नेते उघडपणे ओबीसी आरक्षणावर बोलत आहेत. छगन भुजबळांनी काल भूमिका मांडली की, आमचा मराठा आरक्षणाला विरोध नाही. फक्त ओबीसींना मिळालेल्या आरक्षणाला धक्का लागता कामा नये. तसेच मराठा समाजाला सरसकट कुणबी प्रमाणपत्र द्यायला नको, असे मत बबनराव तायवाडे यांनी मांडले.

भुजबळांचे वक्तव्य म्हणजे हिंसेला उत्तेजन, जरांगे पाटलांचा वार, दोघांमध्ये पुन्हा वाद धुमसण्याची शक्यता

तर सर्वांनाच उपाशी मरण्याची पाळी येईल: विजय वडेट्टीवार

ओबीसी समाजातील ५० ते ६० टक्के जाती अशा आहेत की, ज्यांच्याकडे जमीन नाही, घर नाही. ओबीसी प्रवर्गात राहूनही त्यांची स्थिती सुधारलेली नाही. मराठा नेते म्हणतात की, ओबीसींसाठी आमच्या मुलांनी आत्महत्या कराव्यात का? ओबीसी प्रवर्गात अगोदरच इतक्या जातींचा समावेश आहे. त्यामध्ये मराठ्यांचा समावेश झाल्यास कोणाच्या वाट्याला काय येणार? अशाने सर्वांनाच अर्धवट आरक्षण मिळेल, उपाशी मरायची पाळी येतील. मराठा समाजाचा ओबीसी प्रवर्गात समावेश झाल्यास, ‘बळी तो कान पिळी’ सूत्रानुसार मोठ्या समाजालाच त्याचा फायदा मिळेल, अशी भीती विजय वडेट्टीवार यांनी व्यक्त केली.