पुणे: जिल्ह्यातील ग्रामपंचायतीच्या निवडणुकीत राष्ट्रवादी काँग्रेसच्या अजित पवार गटाने सर्वाधिक ग्रामंपचायतींवर वर्चस्व मिळविले आहे. त्यामुळे जिल्ह्यातील ग्रामपंचायतीच्या सत्तेत उपमुख्यमंत्री तथा पालकमंत्री अजित पवार हेच ‘दादा’ असल्याचे स्पष्ट झाले आहे. मात्र भाजपचा झेंडा त्या तुलनेत कमी ग्रामपंचायतीवर फडकला आहे. त्यामुळे गावपातळीवर राजकारण तापून निघाले आहे.
पुणे जिल्ह्यात २३१ पैकी १८६ ग्रामपंचायतीच्या सार्वत्रिक तसेच १४२ पैकी ग्रामपंचायतीच्या पोट निवडणुका झाल्या. पुणे जिल्ह्यात सुरुवातीपासून राष्ट्रवादी काँग्रेसचे प्राबल्य अधिक आहे. त्यात राष्ट्रवादीतून अजित पवार यांचा गट बाहेर पडून त्यांनी एकनाथ शिंदे, देवेंद्र फडणवीस सरकारमध्ये सामील होणे पसंत केले आहे. त्यामुळे राष्ट्रवादीत फूट पडल्याचे चित्र आहे. त्याचा फटका ग्रामपंचायतीत बसेल का अशी शंका उपस्थित केली जात होती. मात्र, जिल्ह्यातील सुमारे शंभराहून अधिक ग्रामपंचायतींवर अजित पवार गटाते वर्चस्व कायम राहिल्याने ग्रामपंचायतीच्या सत्तेत दादाच ‘पॉवरफूल’ ठरले आहेत.
पुणे जिल्ह्यात २३१ पैकी १८६ ग्रामपंचायतीच्या सार्वत्रिक तसेच १४२ पैकी ग्रामपंचायतीच्या पोट निवडणुका झाल्या. पुणे जिल्ह्यात सुरुवातीपासून राष्ट्रवादी काँग्रेसचे प्राबल्य अधिक आहे. त्यात राष्ट्रवादीतून अजित पवार यांचा गट बाहेर पडून त्यांनी एकनाथ शिंदे, देवेंद्र फडणवीस सरकारमध्ये सामील होणे पसंत केले आहे. त्यामुळे राष्ट्रवादीत फूट पडल्याचे चित्र आहे. त्याचा फटका ग्रामपंचायतीत बसेल का अशी शंका उपस्थित केली जात होती. मात्र, जिल्ह्यातील सुमारे शंभराहून अधिक ग्रामपंचायतींवर अजित पवार गटाते वर्चस्व कायम राहिल्याने ग्रामपंचायतीच्या सत्तेत दादाच ‘पॉवरफूल’ ठरले आहेत.
जिल्ह्यात पुरंदरमध्ये काँग्रेसचे आमदार संजय जगताप यांनी १५ पैकी १० ठिकाणी तर भोर तालुक्यात आमदार संग्राम थोपटे यांनी २७ पैकी १८ ठिकाणी वर्चस्व मिळविले आहे. दौंडमध्ये भाजपचे आमदार राहुल कुल यांनी पाच ठिकाणी सत्ता मिळविली आहे. सहकारमंत्री दिलीप वळसे-पाटील यांचे आंबेगाव तालुक्यातील ३० पैकी २५ ग्रामपंचायतींवर निर्विवाद वर्चस्व राहिले असले तरी निरगुडसरमध्ये धक्का बसला आहे. निरगुडसरला सरंपचासह तीन उमदेवार शिंदे गटाचे विजयी झाले आहेत.
बारामतीमध्ये ३२ पैकी ३० ग्रामपंचायतीवर अजित पवारांनी विजय मिळविला असून अन्य चांदुगडेवाडी, पारवडी या ठिकाणी भाजपने खाते उघडले आहे. काटेवाडीत राष्ट्रवादीने बाजी मारली आहे. इंदापूर तालुक्यातील सहा ग्रामपंचायतींपैकी पाच ग्रामपंचायतीवर राष्ट्रवादी आमदार दत्तात्रय भरणे (अजित पवार गट) यांची बावडा ग्रामपंचायतीवर भाजपचे हर्षवर्धन पाटील यांचे वर्चस्व राहिले आहे. खेड, मुळशी आणि शिरुर तालुक्यामध्ये संमिश्र परिस्थिती आहे. जुन्नरमध्ये मात्र, राष्ट्रवादीचे आमदार अतुल बेनके (अजित पवार गट) यांनी १९ ठिकाणी विजयी मिळवल्याचा दावा केला आहे. ४ शिवसेना (ठाकरे गट) एक शिंदे गट तर दोन अपक्ष निवडून आले आहेत.