रविवारपासून सुरू झालेली विशेष ट्रेन ( पूर्वीची सहयाद्री एक्सप्रेस ) पहाटे ५ वाजता लोणंदहून सुटेल, ती पुण्यात सकाळी ७.४५ ला पोहोचेल. पुन्हा हिच गाडी पुण्यातून रात्री ९. ४५ वाजता सुटणार आहे ती लोणंदला रात्री ११.२४ मिनिटांनी पोहोचेल. या रेल्वेगाड्या प्रवाशांच्या सोयीसाठी उपलब्ध आहेत. आता पूर्वीच्या पॅसेंजरप्रमाणे पुण्याला जाण्यास व येण्यास वेळ लागत नसून सर्व रेल्वे गाड्या वेळेवर व पूर्वीपेक्षा कमी वेळेत पोहोचत आहेत.

फक्त ५० रुपये तिकीटावर कोणत्याही रेल्वेगाडीने जलद, सुखकर व सुरक्षित प्रवास रेल्वेने करता येणे शक्य झाले आहे. डेमू गाड्यांमध्ये भरपूर जागा उपलब्ध असल्याने प्रवाशांनी या सेवेचा लाभ घ्यावा, असे आवाहन लोणंद प्रवासी संघटनेकडून केले आहे.
योगी आदित्यनाथ यांच्या उपस्थितीत नेता सभेत नको ते बोलून बसला, वाद वाढताच भाजपनं दाखवला थेट बाहेरचा रस्ता
लोणंद जंक्शनवरील उत्पन्न वाढून इतर सुपरफास्ट गाड्यांना थांबा मिळविता येणे शक्य होणार असल्याने प्रवाशांनी अन्य पर्यायी वाहतूक व्यवस्थेऐवजी शक्यतो रेल्वे सेवेचा लाभ घ्यावा. डबल लाईनचे काम ९० टक्के पूर्ण झाल्याने क्रॉसिंगला जाणारा वेळ वाचत आहे.
Edible Oil Price: आता दिवाळीचा फराळ होईल आणखी रुचकर; सणासुदीत सर्वसामान्यांना दिलासा, खाद्यतेलांच्या दरात घट
प्रवासी फक्त दोन ते सव्वादोन तासात लोणंद -पुणे प्रवास करू शकत आहेत, तेही फक्त ५० रुपयांत तर लोणंद-पुणे हा मासिक पास फक्त ३५५ रुपयांत मिळत असल्याने कमी पैशात जलद व सुरक्षित प्रवास उपलब्ध झाला आहे. लोणंद, निरा परिसरातील पुण्यात शिकत असलेले महाविद्यालयीन विद्यार्थी व दररोज कामानिमित्त पुणे येथे प्रवास करणारांना या सेवेचा मोठा लाभ होत आहे.

पवारांच्या काटेवाडीत भाजपची एन्ट्री, पण वर्चस्व अजितदादांचं, नेमकं काय घडलं?
Read Latest Maharashtra News And Marathi News