म. टा. प्रतिनिधी. नाशिक : स्त्री जन्मदर वाढीसाठी शासकीय स्तरावर विविध प्रयत्न केले जात असले तरी जन्मदरात अद्याप मोठी तफावत असल्याचे प्रत्यक्ष आकडेवारीतून समोर येत आहे. मागील पाच वर्षांत मुलींच्या जन्मदरात ३९ ची घट नोंदविली आहे. २०१८ मध्ये ९७० असलेले लिंग गुणोत्तर यंदा ९३१ वर येऊन ठेपल्याने चिंता व्यक्त केली जात आहे.
केंद्र आणि राज्य सरकार, तसेच सामाजिक पातळीवर मोठ्या प्रमाणात जनजागृती सुरू असतानादेखील मुलींच्या जन्मदराबाबत समोर येणारी आकडेवारी धक्कादायक आहे. विशेष म्हणजे आर्थिक, सामाजिक आणि शैक्षणिकदृष्ट्या सधन मानल्या जाणाऱ्या जिल्ह्यांमध्ये हे प्रमाण घटते असून, आदिवासी जिल्ह्यांमध्ये त्या तुलनेत दिलासादायक परिस्थिती आहे. यंदा देवळा आणि पेठ या अवघ्या दोन तालुक्यांत लिंग गुणोत्तर सकारात्मक आहे. येवला, बागलाण, दिंडोरी, निफाडसारख्या तालुक्यांमध्ये आठशेच्या आत लिंग गुणोत्तर आहे.
केंद्र आणि राज्य सरकार, तसेच सामाजिक पातळीवर मोठ्या प्रमाणात जनजागृती सुरू असतानादेखील मुलींच्या जन्मदराबाबत समोर येणारी आकडेवारी धक्कादायक आहे. विशेष म्हणजे आर्थिक, सामाजिक आणि शैक्षणिकदृष्ट्या सधन मानल्या जाणाऱ्या जिल्ह्यांमध्ये हे प्रमाण घटते असून, आदिवासी जिल्ह्यांमध्ये त्या तुलनेत दिलासादायक परिस्थिती आहे. यंदा देवळा आणि पेठ या अवघ्या दोन तालुक्यांत लिंग गुणोत्तर सकारात्मक आहे. येवला, बागलाण, दिंडोरी, निफाडसारख्या तालुक्यांमध्ये आठशेच्या आत लिंग गुणोत्तर आहे.
कठोर उपाययोजना गरजेच्या
सरकारकडून मुलींसाठी अनेक शासकीय योजना राबविल्या जातात. या माध्यमातून मुलींच्या जन्मापासून मोफत शिक्षणापर्यंत संधीही सरकारने उपलब्ध करून दिलेली आहे. याशिवाय ‘सुकन्या समृद्धी योजना’, ‘माझी कन्या भाग्यश्री’, ‘बेटी बचाओ, बेटी पढाओ’ अशाही विविध योजना राबविल्या जात आहेत. असे असतानाही मुलींच्या जन्मदरात सातत्याने घट होत असल्याचे दिसून येत आहे.
पाच वर्षांचे जिल्ह्याचे लिंग गुणोत्तर
२०१८ : ९६९
२०१९ : ९६३
२०२० : ९५९
२०२१ : ९४५
२०२२ : ९३१
पुणेकरांची काळजी वाढवणारी बातमी! जिल्ह्यातील भूजल पातळीत घट, कोणत्या भागात फटका अधिक?
तालुकानिहाय लिंग गुणोत्तर
पेठ : ११३१
देवळा : १००८
त्र्यंबकेश्वर : ९८२
चांदवड : ९६९
इगतपुरी : ९४६
नाशिक : ९३४
मालेगाव : ९३४
कळवण : ९३२
नांदगाव : ९३०
सिन्नर : ९२९
सुरगाणा : ९२०
बागलाण : ८९९
येवला : ८९९
दिंडोरी : ८८९
निफाड : ८७९
एकूण : ९३१