याबाबत पोलिसांनी दिलेल्या माहितीनुसार, मजूर गणेश आणि आरोपी हे प्राइड वर्ल्ड सिटीत मजुरी करण्याचे काम करत होते. सोमवारी दुपारी आरोपी लालू आणि भूरा यांनी गणेश याच्याकडे दारुसाठी पैसे मागितले. मात्र गणेशने पैसे देण्यास नकार दिला. याचा राग मनात धरून सोमवारी सायंकाळच्या सुमारास लालू आणि भुरा यांनी गणेश याला मारहाण करण्यास सुरुवात केली. त्यांनी रागाच्या भरात गणेश याला बेदम मारहाण करत त्याच्या डोक्यात दगड घालून ठार केले.

घटनेची माहिती मिळताच दिघी पोलीस घटनास्थळी दाखल झाले. त्यांनी आरोपींना घटनस्थळावरुन ताब्यात घेतले. या घटनेने परिसरात एकच खळबळ उडाली होती. काही काळ या परिसरात तणावाचे वातावरण निर्माण झाले होते. पोलिसांनी घटनास्थळी पोहचून परिस्थिती नियंत्रणात आणली. या परिसरात गुन्हेगारीच्या घटनात वाढ झालेली असून पोलिसांकडून गुन्हेगारी रोखण्यासाठी प्रयत्न केले जात आहेत.