पाटीलसह शिंदे आणि पंडित हे तिघेही मुंबर्इच्या साकीनाका पोलीस ठाण्यात दाखल गुन्ह्यात अटकेत होते. शिंदे हा ललितच्या कारखान्यासाठी ‘मेफेड्रॉन’ तयार करण्याचा कच्चा माल पुरवत होता. राहुल प्रत्यक्ष ‘मेफेड्रॉन’ तयार करत होता. गोलू ऊर्फ रेहान अन्सारी हा मालाची विक्री करीत होता. पुणे पोलिसांनी गोलूला यापूर्वीच अटक केली आहे. माझ्या जीवाला पुणे पोलिसांकडून धोका आहे. त्यांनी मला मारहाण केली होती. त्यामुळे बरगडी आणि कानामध्ये जखम झाली होती, असा गंभीर आरोप ललितने पोलिसांवर केला होता. या पार्श्वभूमीवर पोलिसांनी ललितला ताब्यात घेतले असून त्याच्या चौकशीत अमली पदार्थ तस्कर, येरवडा कारागृह, ससून रुग्णालय आणि पोलीस आणि राजकारणी यांच्याबाबत काय माहिती समोर येणार, याबाबत तर्क लढवले जात आहेत.