मुंबई : गेल्या अनेक दशकांपासून देशाची आर्थिक राजधानी मुंबईचा विचार केला तर मनात शहराच्या ‘प्रीमियर पद्मिनी’ टॅक्सीचं चित्र नक्कीच उमटेल. अनेक दशकांपासून सर्वसामान्यांसाठी वाहतुकीचे सोयीस्कर साधन असलेली ही टॅक्सी सेवा ‘काली-पिली’ म्हणून ओळखली जात होती. तिच्या रंगामुळे ती शहरात विशेष प्रसिद्ध आहे.
शहरातील रहिवाशांचेदेखील या टॅक्सी सेवेशी अतूट नाते आहे. आता तब्बल ६ दशकांनंतर तिचा प्रवास संपणार आहे. नवीन मॉडेल आणि अॅपवर आधारित कॅब सेवेनंतर आता या काळ्या-पिवळ्या टॅक्सी मुंबईच्या रस्त्यांवरून जाणार आहेत. सध्या सार्वजनिक वाहतूकदार बेस्टच्या प्रसिद्ध लाल डबल डेकर डिझेल बसेस रस्त्यावरून हटवल्यानंतर आता काळ्या-पिवळ्या टॅक्सीही दिसणार नाहीत.
शहरातील रहिवाशांचेदेखील या टॅक्सी सेवेशी अतूट नाते आहे. आता तब्बल ६ दशकांनंतर तिचा प्रवास संपणार आहे. नवीन मॉडेल आणि अॅपवर आधारित कॅब सेवेनंतर आता या काळ्या-पिवळ्या टॅक्सी मुंबईच्या रस्त्यांवरून जाणार आहेत. सध्या सार्वजनिक वाहतूकदार बेस्टच्या प्रसिद्ध लाल डबल डेकर डिझेल बसेस रस्त्यावरून हटवल्यानंतर आता काळ्या-पिवळ्या टॅक्सीही दिसणार नाहीत.
परिवहन विभागाच्या एका अधिकाऱ्याने दिलेल्या माहितीनुसार, शेवटची ‘प्रीमियर पद्मिनी’ २९ ऑक्टोबर २००३ रोजी तारदेव आरटीओ इथं काळी-पिवळी टॅक्सी म्हणून नोंदणीकृत झाली होती. शहरात टॅक्सी चालवण्याची मर्यादा २० वर्षे असल्याने सोमवारपासून मुंबईत ‘प्रीमियर पद्मिनी’ टॅक्सी अधिकृतपणे धावणार नाहीत.
मुंबईतील शेवटच्या नोंदणीकृत टॅक्सी (MH-01-JA-2556) चे मालक प्रभादेवी म्हणाले, ‘ही टॅक्सी मुंबईचा अभिमान आणि आमचे जीवन आहे.’ तर काही लोकांनी संग्रहालयात किमान एक ‘प्रीमियर पद्मिनी’ जपली जावी, अशी मागणी केली आहे.
काही वर्षांपूर्वी, मुंबई टॅक्सीमेन्स युनियन या शहरातील सर्वात मोठ्या टॅक्सी चालकांच्या संघटनेने किमान एक काळी-पिवळी टॅक्सी टिकवून ठेवण्याची विनंती सरकारकडे केली होती, परंतु त्याला यश आले नाही. परळचे रहिवासी आणि कलाप्रेमी प्रदीप पालव यांनी सांगितले की, आजकाल ‘प्रीमियर पद्मिनी’ टॅक्सी मुंबईत भिंतींवरील पोस्टर्सवरच दिसतात.