सोलापूर: सोलापूर जिल्ह्यातील बार्शी तालुक्यातील तांदळवाडी गावातील स्वतःच्या सोयाबीन पिकाची मळणी करत असताना शेत मालकीण महिलेला मृत्यूने कवटाळले आहे. डोक्याला बांधलेला स्कार्प हे मळणी यंत्रात अडकल्याने डोके अडकून ती जागीच ठार झाल्याची दुर्दैवी घटना शुक्रवार २० ऑक्टोबर रोजी दुपारी घडली. नंदा भास्कर गरड (वय ६१, रा. तांदळवाडी, ता. बार्शी) असे ठार झालेल्या महिलेचे नाव आहे. मळणी यंत्रात नंदा गरड यांचं डोकं अडकलं, त्यावेळी मुलगा आणि पती समोरच होते. त्यांच्या समोरच मळणी यंत्रात रक्ताचा सडा पडला होता.
सोयाबीन राससाठी मळणी यंत्र आणले होते
सोयाबीन राससाठी मळणी यंत्र आणले होते
भानुदास बापूराव गरड (वय ५९) यांनी पांगरी पोलिस ठाण्यात दिलेल्या फिर्यादीत म्हटले आहे की, २० ऑक्टोबर २०२३ रोजी सकाळी भास्कर गरड याच्या शेतात सोयाबीन मळणीसाठी यंत्र आले होते. त्यासाठी नंदा भास्कर गरड आणि त्यांचा मुलगा रामराजे असे तिघेजण स्वतःच्या शेतात गेले असताना मळणी यंत्र चालू केले.
आईस्क्रीम घ्यायला निघालेल्या गर्भवतीचा मृत्यू, ४ वर्षांचा मुलगा रात्रभर मृतदेहाजवळ बसून
नंदा यांचं डोकं मळणी यंत्रात गेलं
शुक्रवारी सकाळपासून सोयाबीनच्या रासमध्ये संपूर्ण परिवार गडबडीत होता. नंदा गरड या मळणी यंत्र चालू असताना त्या मळणी यंत्राच्या खाली पडलेले सोयाबीन पिकांचे दाणे गोळा करत होत्या. नंदा यांच्या डोक्यावर बांधलेला स्कार्फ आणि त्यांचे केस हे ट्रॅक्टर आणि मळणी यंत्र जोडणाऱ्या फिरत्या रॉडला अडकले. त्यांचे डोकंही फिरत्या रॉडमध्ये अडकले. डोक्याला गंभीर जखम झाल्याने नंदा यांचा जागीच मृत्यू झाला.
पांगरी पोलिसांनी पंचनामा करून शवविच्छेदनासाठी पाठवले
पांगरी पोलिसात अकस्मात नोंद होताच सहाय्यक पोलिस निरीक्षक शिवाजी जायपात्रे आणि पोलिस उपनिरीक्षक नंदकुमार काशीद हे घटनास्थळाला भेट देऊन पंचनामा केला. त्यानंतर शवविच्छेदनासाठी पांगरी ग्रामीण रुग्णालयात दाखल करण्यात आले असून पुढील तपास पोलिस हेड कॉन्स्टेबल शब्बीर शेख करीत आहेत.
सोंटूची हुशारी फेल, वेगवेगळ्या लॉकर्समधून २ किलो सोनं अन् ७० लाख रुपयांची रोकड जप्त
Read Latest Maharashtra News And Marathi News