म. टा. प्रतिनिधी,पुणे : ‘मोबाइल अॅपवरून सेवा देणाऱ्या कंपन्या कर्मचाऱ्यांच्या जीवावर मोठ्या होत आहेत. पण, त्यांचे कर्मचाऱ्यांच्या समस्यांकडे लक्ष नाही. त्यामुळे बुधवार, २५ ऑक्‍टोबरला पुणे आणि पिंपरी-चिंचवड शहरातील ओला-उबेर यांसह स्विगी आणि झोमॅटोवर सेवा देणारे सर्व कर्मचारी सामूहिक बंद पाळणार आहेत,’ अशी माहिती ‘बघतोय रिक्षावाला’ संघटनेचे डॉ. केशव नाना क्षीरसागर यांनी गुरुवारी पत्रकार परिषदेत दिली.
ओला, उबेर, स्विगी, झोमॅटो, पोर्टर या मोबाइल अॅपवरून प्रवासी सेवेसह खाद्यपदार्थांची डिलिव्हरी घरबसल्या मिळते. त्यासाठी दिवस-रात्र कर्मचारी काम करत असतात. पुणे आणि पिंपरी-चिंचवड शहरात ओला-उबेरवर काम करणाऱ्या चालकांची संख्या दीड लाखांजवळ आहे; तर स्विगी, झोमॅटो, पोर्टरवर काम करणाऱ्या डिलिव्हरी तरुण-तरुणीची संख्या तीस हजारांच्या आसपास आहे. या कर्मचाऱ्यांच्या अनेक अडचणी असून कंपनीकडून त्याकडे दुर्लक्ष केले जाते. त्यामुळे भारतीय गिग कामगार मंचातर्फे २५ ऑक्टोबर रोजी अॅपवर काम करणाऱ्या कंपन्यांचे कर्मचारी बंद पाळणार आहेत, अशी माहिती डॉ. क्षीरसागर यांनी दिली.
ओला, उबेर, स्विगी, झोमॅटो, पोर्टर या मोबाइल अॅपवरून प्रवासी सेवेसह खाद्यपदार्थांची डिलिव्हरी घरबसल्या मिळते. त्यासाठी दिवस-रात्र कर्मचारी काम करत असतात. पुणे आणि पिंपरी-चिंचवड शहरात ओला-उबेरवर काम करणाऱ्या चालकांची संख्या दीड लाखांजवळ आहे; तर स्विगी, झोमॅटो, पोर्टरवर काम करणाऱ्या डिलिव्हरी तरुण-तरुणीची संख्या तीस हजारांच्या आसपास आहे. या कर्मचाऱ्यांच्या अनेक अडचणी असून कंपनीकडून त्याकडे दुर्लक्ष केले जाते. त्यामुळे भारतीय गिग कामगार मंचातर्फे २५ ऑक्टोबर रोजी अॅपवर काम करणाऱ्या कंपन्यांचे कर्मचारी बंद पाळणार आहेत, अशी माहिती डॉ. क्षीरसागर यांनी दिली.
सरकारकडे कर्मचाऱ्यांच्या मागण्या
– राज्य सरकारने गिग वर्कर्स रजिस्ट्रेशन अँड वेल्फेअर अॅक्‍ट मंजूर करावा
– सर्वोच्च न्यायालयाच्या आदेशाप्रमाणे केंद्र सरकारच्या ‘कॅब अॅग्रीगेटर गाइडलाइन्स २०२०’ची अंमलबजावणी करावी.
– खटुआ समितीच्या शिफारशीनुसार रिक्षा व टॅक्‍सीप्रमाणे कॅबचे दर निर्धारित करावेत.
– येत्या हिवाळी अधिवेशनामध्ये कायदा संमत करून कष्टकऱ्यांना न्याय द्यावा.
कर्मचाऱ्यांच्या अडचणी
– चालक, डिलिव्हरी बॉइजला ऑनलाइन किंवा ऑफलाइन सपोर्ट नाही.
– शहानिशा न करता परस्पर आयडी ब्लॉक करणे आणि तो सुरू करण्यासाठी दलालांमार्फत पैसे उकळणे.
– मॅपमधील अंतर चुकीचे दाखविणे .
– कर्मचाऱ्यांना कमी दरावर काम करायला भाग पाडणे
– टुरीस्ट बुकिंगमध्ये पांढऱ्या नंबरप्लेट असलेल्या गाड्यांचा वापर
– कर्मचाऱ्यांना दाद मागण्याची सुविधा नसणे