ललित पाटीलला पळवून लावण्यात राजकीय नेते सहभागी आहेत. ललित पाटीलसोबत दादा भुसे आणि शंभूराजे देसाई यांची देखील नार्को टेस्ट करा. याचा तपास केंद्रीय यंत्रणांकडे सोपवा, अशी मागणी सुषमा अंधारे यांनी केली. इतकंच नाही तर ससून रुग्णालयाच्या डीनची नार्को टेस्ट करा, अशी मागणीही सुषमा अंधारे यांनी केली. ललित पाटील हा श्रीलंकेला पळून जाण्याच्या तयारीत होता. मात्र, त्यापूर्वीच पोलिसांनी त्याला अटक केली. यानंतरच्या चौकशीत समोर आलेल्या माहितीनुसार, ललित पाटील हा ससूनमधून पळाल्यानंतर धुळे, नाशिक, गुजरात, कर्नाटक आणि तामिळनाडूमध्ये वास्तव्याला होता. नाशिकमध्ये जाऊन ललित पाटीलने बँकेतील आपली मुदत ठेव (Fixed Deposite) मोडली होती आणि त्या पैशातून ललितने एक किलो सोने विकत घेतले होते. यानंतर तो देशाबाहेर पळून जाण्याच्या तयारीत होता. ललित पाटील अनेक दिवस नाशिकमध्येच असताना पोलीस यंत्रणा काय करत होती? देशात कायदा व सुव्यवस्था आहे की नाही, असा सवाल सुषमा अंधारे यांनी विचारला.

Lalit Patil: कारवाई करा, पण आमच्या मुलाचा एन्काऊंटर करु नका; ललित पाटीलच्या आई-वडिलांनी फोडला टाहो

ललित पाटीलची सोमवारपर्यंत पोलीस कोठडीत रवानगी

ललित पाटील याला मुंबई पोलिसांनी बुधवारी दुपारी अंधेरी न्यायालयात हजर केले. यावेळी न्यायालयाने ललित पाटीलला पाच दिवसांची पोलीस कोठडी सुनावली. ललित पाटीलच्या बाजूने कोणताही वकील नव्हता. त्यामुळे न्यायालयाकडूनच त्याला वकील पुरवण्यात आला. यावेळी सरकारी वकिलांनी अधिक चौकशी करण्यासाठी ललित पाटीलच्या रिमांडची मागणी केली. ही मागणी न्यायालयाने मान्य केली.