नवी मुंबई: सोसायटीच्या गेटवर काही वेळासाठी उभी असलेली कार काढण्याच्या वादातून नेरुळ सेक्टर-१९ ए मधील लेण्याद्रि सोसायटीत भयंकर प्रकार घडला आहे. येथे राहणाऱ्या मुळगावकर पिता पुत्राने कार चालक विठ्ठल राक्षे याला बेदम मारहाण केली. त्यानंतर त्याच्या अंगावर आपला पाळीव कुत्रा सोडला. कुत्र्याने त्यांच्यावर हल्ला चढवला आणि त्यांना जबर जखमी केले. या घटनेनंतर नेरुळ पोलिसांनी मुळगावकर पिता पुत्रांविरोधात गुन्हा दाखल करुन त्यांना ताब्यात घेतले आहे.
या घटनेत जखमी झालेला विठ्ठल राक्षे (वय ३५) हे नेरुळ सेक्टर-१९ ए मध्ये राहण्यास असून त्याचा ट्रान्स्पोर्टचा व्यवसाय आहे. गेल्या १२ ऑक्टोबर रोजी सकाळी साडे अकरा वाजण्याच्या सुमारास राक्षे हा आपल्या कारने सानपाडा येथील कार्यालयात जात होता. यावेळी त्याच्या मोबाईलवर फोन आल्याने राक्षे याने लेण्याद्रि सोसायटीच्या गेटसमोर आपली कार उभी केली. त्यानंतर ते कारमध्येच मोबाईलवर बोलत थांबले होते. याचवेळी लेण्याद्रि सोसायटीत राहणारा मंगेश मुळगावकर हा समोरुन दुचाकीवरुन आल्यानंतर त्याने राक्षे याला सोसायटीच्या गेट समोरुन कार पुढे घेण्यास सांगितले. त्यावेळी राक्षे याने पाठीमागून जागा असल्याचे सांगून तिथून त्याला जाण्यास सांगितले.
या घटनेत जखमी झालेला विठ्ठल राक्षे (वय ३५) हे नेरुळ सेक्टर-१९ ए मध्ये राहण्यास असून त्याचा ट्रान्स्पोर्टचा व्यवसाय आहे. गेल्या १२ ऑक्टोबर रोजी सकाळी साडे अकरा वाजण्याच्या सुमारास राक्षे हा आपल्या कारने सानपाडा येथील कार्यालयात जात होता. यावेळी त्याच्या मोबाईलवर फोन आल्याने राक्षे याने लेण्याद्रि सोसायटीच्या गेटसमोर आपली कार उभी केली. त्यानंतर ते कारमध्येच मोबाईलवर बोलत थांबले होते. याचवेळी लेण्याद्रि सोसायटीत राहणारा मंगेश मुळगावकर हा समोरुन दुचाकीवरुन आल्यानंतर त्याने राक्षे याला सोसायटीच्या गेट समोरुन कार पुढे घेण्यास सांगितले. त्यावेळी राक्षे याने पाठीमागून जागा असल्याचे सांगून तिथून त्याला जाण्यास सांगितले.
इस्रायल-गाझा युद्धानं सारं हिरावलं, १४ जणांचं कुटुंब संपलं, ४ वर्षांची चिमुकली काहीच बोलेना
या गोष्टीचा मुळगावकर याला राग आल्याने त्याने राक्षे याच्यासोबत वाद घालून धक्काबुक्की केली. त्यानंतर तो आपल्या घरी गेल्यानंतर काळ्या रंगाचा मोठा जबडा असलेला पाळीव कुत्रा आणि मुलगा सौमिल मुळगावकर यांना घेऊन आला. त्यानंतर मुळगावकर पिता पुत्रांनी राक्षे याला ठोशाबुक्क्यांनी बेदम मारहाण केली. त्यानंतर त्यांनी आपला पाळीव कुत्रा चावण्यासाठी त्याच्या अंगावर सोडून दिला. यावेळी कुत्र्याने राक्षे याच्या हाताला चावा घेतल्याने राक्षे जखमी झाला आहे. त्यानंतर त्याने रुग्णालयात उपचार घेऊन नेरुळ पोलिस ठाण्यात तक्रार दाखल केली. त्यानुसार, पोलिसांनी मुळगावकर पिता पुत्रांविरोधात गुन्हा दाखल करुन दोघांना ताब्यात घेतले आहे.